Лінкі ўнівэрсальнага доступу

Беларускіх журналістаў вязуць у Барвіху


Дзьмітрый Мядзьведзеў
Дзьмітрый Мядзьведзеў

Прэзыдэнт Расеі Дзьмітры Мядзьведзеў сёньня а 17 гадзіне па маскоўскім часе мае сустрэцца зь беларускімі журналістамі.

З цэнтра Масквы журналістаў, якія прыехалі з Менску, на двух мікрааўтобусах адміністрацыі прэзыдэнта Расеі вязуць у загарадную рэзыдэнцыю Мядзьведзева Барвіха.

Як паведаміў “Свабодзе” адзін з запрошаных рэдактар газэты “Новы час” Аляксей Кароль, разам зь ім у Барвіху едуць рэдактар “Народнай волі” Іосіф Сярэдзіч, журналісты газэты “Наша ніва” і “Товарищ” Андрэй Скурко і Анатоль Гуляеў.

Запрошаныя таксама прадстаўнікі газэт “Белорусы и рынок”, “Комсомольская правда в Белоруссии”, інфармацыйнай кампаніі БелаПАН, інтэрнэт-партал TUT.by.

Апрача іх запрашэньне атрымалі ўласныя карэспандэнты Першага нацыянальнага тэлеканалу, АНТ і “Советской Белоруссии”, якія стала працуюць у Маскве, а таксама журналісты газэт “Звязда” і “Рэспубліка”.

Крамлёўская прэсавая служба пакуль не ўдакладняе праграмы сустрэчы Мядзьведзева зь беларускімі журналістамі, невядома нават колькі яна будзе доўжыцца. Пачатак сустрэчы папярэдне прызначаны на 17 гадзін маскоўскага часу.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG