Сёньня Фонд ААН у галіне народанасельніцтва (UNFPA) правёў прэзэнтацыю праекта “Беларусь у тварах: моладзь 15 гадоў таму”. У 1994 годзе прадстаўнікі 197 краінаў сьвету на Міжнароднай канфэрэнцыі ў Каіры выступілі з ініцыятывай прасачыць, як мяняецца жыцьцё маладых людзей у розных сфэрах у розных краінах. Тут і гендэр, і дэмаграфія, урбанізацыя, рэпрадуктыўнае здароўе, сям’я.
На імпрэзу былі запрошаныя героі, якія сваім прыкладам разбурылі стэрэатыпы ў розных сфэрах жыцьця. Герой праекту Максім Сокал — актор, рэжысэр, клапатлівы муж і малады тата, узяў дэкрэтны адпачынак. Студэнтка Беларускай акадэміі мастацтваў Людміла Арлова абвяргае гендэрны стэрэатып пра тое, што тэлеапэратар — в мужчынская прафэсія. Нямецкі валантэр Ханс Пробст цэлы год дабрачынна працаваў у беларускім псыханэўралягічным дыспансэры ў Навінках.
А спадарыня Юлія распавяла пра сваё мацярынскае шчасьце — з дыягназам ВІЧ яна пасьпяхова выйшла замуж і нарадзіла здаровае дзіця. Праўда, кантактавалі журналісты, экспэрты зь Юляй па тэлефоне. У 2005 годзе Юля пазнаёмілася з маладым чалавекам, зь якім у яе адзін раз быў неабаронены сэкс. Потым яны разьбегліся ў розныя бакі. А Юля праз некаторы час даведалася пра свой небясьпечны дыягназ:
“Спачатку было вельмі складана, я плакала, мне здавалася, што гэта не са мной, што жыцьцё на гэтым скончылася. Сама пастаноўка дыягназу была вялікім ударам. Таму што я дзяўчына з добрай сям’і, не наркаманка, не прастытутка. Мне здавалася, што такое здарылася не са мной. Канечне, было цяжка”.
Але празь некаторы час Юля сустрэла чалавека, якога не напалохаў дыягназ ВІЧ. Маладыя людзі пабраліся шлюбам, у іх нарадзіўся сын, якому хутка адзін годзік. Юлі пашанцавала — яе падтрымалі блізкія людзі:
“І сябры мае некаторыя ведаюць, можа, гэта была праверка сяброўства. Але яны ад мяне не адвярнуліся, яны працягваюць са мной сябраваць. Маці мая ведае, і муж мой ведае, ён таксама мяне падтрымлівае”.
Усяго ў Беларусі за 20 гадоў ув ВІЧ-інфікаваных мацярок нарадзілася 1450 дзетак. ВІЧ-інфэкцыя пацьверджаная ў 149 дзяцей. 770 дзетак зьнятыя з дыспансэрнага ўліку як здаровыя. Частка дзетак яшчэ не дасягнула ўзросту, калі ставяць канчатковы дыягназ, і пакуль яны знаходзяцца пад наглядам. Усе дарагія імпартныя лекавыя прэпараты ВІЧ-інфікаваныя атрымліваюць бясплатна. Інфэкцыяніст Ларыса Касінская дадае:
“У нас памерла 8 ВІЧ-інфікаваных дзетак. А наагул зь дзетак, што нарадзіліся ў ВІЧ-інфікаваных мам, 61 дзіця памерла. З розных прычынаў: гэта і заўчасныя роды, і розныя цяжкія паталёгіі”.
Галоўны акушэр-гінэколяг Міністэрства аховы здароўя Аляксандар Барсукоў так ахаратарызаў людзей, якія адважваюцца на адказны крок:
“Гэта абсалютна адэкватныя, разумныя людзі, якія, як правіла, маюць вышэйшую адукацыю, якія цікавяцца гэтай праблемай. І цяпер мы да ВІЧ-праблемы ставімся так, як і да захворваньня на цукровы дыябэт. Гэта ня столькі захворваньне, колькі лад жыцьця. Калі пацыент разам з доктарам на адным баку, а ВІЧ — на другім, атрымліваецца, двое супраць аднаго. Канечне, шанец ёсьць. І ў Эўропе амаль на 100% нараджаюцца здаровыя дзеці. Мы да гэтага пакуль яшчэ імкнемся”.
Інфэкцыяніст Ларыса Касінская прывяла і трывожную статыстыку: 36,1% ВІЧ-інфікаваных жанчын, якія нарадзілі сёлета, гэта маці-адзіночкі. Да таго ж, ня ўсе жанчыны адказна ставяццца да нараджэньня дзіцяці:
“Але з гэтай групы частка жанчын мае шлях інфікаваньнья праз нарказалежнасьць. Гэта не азначае, што і нарадзіўшы, яны цалкам адмовіліся ад наркотыкаў. Я задавала пытаньне адной такой жанчыне: „Чаму вы адважыліся нараджаць?“ Яна адказвае: „А можа быць, тады я кіну наркотыкі“. Можа быць… Але калі дзіцяці будзе патрэбна харчаваньне, а ёй — наркотык, вы ж разумееце, што выбярэ яна”.
Мэдыкі перакананыя: пры правільных паводзінах, дакладным выкананьні рэкамэндацый, прыёме адпаведных лекавых сродкаў у ВІЧ-інфікаванай жанчыны можа нарадзіцца здаровае дзіця. Дарэчы, летась у Беларусі ў ВІЧ-інфікаваных маці нарадзілася 171 дзіця, а сёлета — ужо 158.
На імпрэзу былі запрошаныя героі, якія сваім прыкладам разбурылі стэрэатыпы ў розных сфэрах жыцьця. Герой праекту Максім Сокал — актор, рэжысэр, клапатлівы муж і малады тата, узяў дэкрэтны адпачынак. Студэнтка Беларускай акадэміі мастацтваў Людміла Арлова абвяргае гендэрны стэрэатып пра тое, што тэлеапэратар — в мужчынская прафэсія. Нямецкі валантэр Ханс Пробст цэлы год дабрачынна працаваў у беларускім псыханэўралягічным дыспансэры ў Навінках.
А спадарыня Юлія распавяла пра сваё мацярынскае шчасьце — з дыягназам ВІЧ яна пасьпяхова выйшла замуж і нарадзіла здаровае дзіця. Праўда, кантактавалі журналісты, экспэрты зь Юляй па тэлефоне. У 2005 годзе Юля пазнаёмілася з маладым чалавекам, зь якім у яе адзін раз быў неабаронены сэкс. Потым яны разьбегліся ў розныя бакі. А Юля праз некаторы час даведалася пра свой небясьпечны дыягназ:
“Спачатку было вельмі складана, я плакала, мне здавалася, што гэта не са мной, што жыцьцё на гэтым скончылася. Сама пастаноўка дыягназу была вялікім ударам. Таму што я дзяўчына з добрай сям’і, не наркаманка, не прастытутка. Мне здавалася, што такое здарылася не са мной. Канечне, было цяжка”.
Юля сустрэла чалавека, якога не напалохаў дыягназ ВІЧ. Маладыя людзі пабраліся шлюбам, у іх нарадзіўся сын.
“І сябры мае некаторыя ведаюць, можа, гэта была праверка сяброўства. Але яны ад мяне не адвярнуліся, яны працягваюць са мной сябраваць. Маці мая ведае, і муж мой ведае, ён таксама мяне падтрымлівае”.
Усяго ў Беларусі за 20 гадоў ув ВІЧ-інфікаваных мацярок нарадзілася 1450 дзетак. ВІЧ-інфэкцыя пацьверджаная ў 149 дзяцей. 770 дзетак зьнятыя з дыспансэрнага ўліку як здаровыя. Частка дзетак яшчэ не дасягнула ўзросту, калі ставяць канчатковы дыягназ, і пакуль яны знаходзяцца пад наглядам. Усе дарагія імпартныя лекавыя прэпараты ВІЧ-інфікаваныя атрымліваюць бясплатна. Інфэкцыяніст Ларыса Касінская дадае:
“У нас памерла 8 ВІЧ-інфікаваных дзетак. А наагул зь дзетак, што нарадзіліся ў ВІЧ-інфікаваных мам, 61 дзіця памерла. З розных прычынаў: гэта і заўчасныя роды, і розныя цяжкія паталёгіі”.
Галоўны акушэр-гінэколяг Міністэрства аховы здароўя Аляксандар Барсукоў так ахаратарызаў людзей, якія адважваюцца на адказны крок:
У Эўропе амаль на 100% нараджаюцца здаровыя дзеці. Мы да гэтага пакуль яшчэ імкнемся.
Інфэкцыяніст Ларыса Касінская прывяла і трывожную статыстыку: 36,1% ВІЧ-інфікаваных жанчын, якія нарадзілі сёлета, гэта маці-адзіночкі. Да таго ж, ня ўсе жанчыны адказна ставяццца да нараджэньня дзіцяці:
“Але з гэтай групы частка жанчын мае шлях інфікаваньнья праз нарказалежнасьць. Гэта не азначае, што і нарадзіўшы, яны цалкам адмовіліся ад наркотыкаў. Я задавала пытаньне адной такой жанчыне: „Чаму вы адважыліся нараджаць?“ Яна адказвае: „А можа быць, тады я кіну наркотыкі“. Можа быць… Але калі дзіцяці будзе патрэбна харчаваньне, а ёй — наркотык, вы ж разумееце, што выбярэ яна”.
Мэдыкі перакананыя: пры правільных паводзінах, дакладным выкананьні рэкамэндацый, прыёме адпаведных лекавых сродкаў у ВІЧ-інфікаванай жанчыны можа нарадзіцца здаровае дзіця. Дарэчы, летась у Беларусі ў ВІЧ-інфікаваных маці нарадзілася 171 дзіця, а сёлета — ужо 158.