Лінкі ўнівэрсальнага доступу

Лукашэнка адкладае аргвывады да канца году


Аляксандар Лукашэнка сёньня абвясьціў 2010 год “этапам узнаўленьня хуткага эканамічнага росту”.


Пра гэта кіраўнік Беларусі заявіў на нарадзе, дзе падводзяцца вынікі працы першых трох кварталаў, а таксама разглядаецца праект прагнозу сацыяльна-эканамічнага разьвіцьця, бюджэту і асноўных кірункаў грашова-крэдытнай палітыкі на 2010 год.

Лукашэнка заявіў, што ацэнка працы ўраду, Нацыянальнага банку і ўсіх органаў улады будзе зробленая па выніках году.

“Цяпер мне патрэбныя не апраўданьні і самасправаздачы,— заявіў кіраўнік дзяржавы. — Якая сытуацыя — ведаюць усе. Ёсьць пэўная статыстыка. Мне патрэбны адказы на выклікі, якія выявіў усясьветны крызіс. Мне патрэбныя адказы на пытаньні па паказчыках эфэктыўнасьці працы тых ці іншых ведамстваў і прадпрыемстваў, і што мы будзем рабіць”, — прыводзіць ягоныя словы агенцыя БелТА.

Паводле афіцыйнай статыстыкі, аб'ём ВУП за першыя 9 месяцаў сёлета склаў толькі 99,7% да ўзроўню адпаведнага пэрыяду летась. А прагнозны паказчык на 2009 год складае 10—12%.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG