Сьвятлана Жук, пачуўшы ад судзьдзі Валера Калінковіча, што сьмяротны прысуд яе сыну Андрэю пакідаюць бязь зьменаў, ледзь ня страціла прытомнасьць. Калі міліцыянты загадалі пакінуць судовую залю, жанчына прасіла дазволіць ёй у апошні раз пацалаваць сына, але ёй адмовілі. Жанчына пачала енчыць у голас:
“Андрэй, трымайся. Я даб’юся, што прысуд адменяць. Мы зьвернемся ў міжнародны суд. Сыночак, ты будзеш жыць! Дайце мне пацалаваць сына”.
Міліцыянт: “Нельга, пакіньце судовую залю”.
Злачынства, у якім прызналі вінаватымі Андрэя Жука, Івана Сарокіна і Ўладзімера Мароза, адбылося ў Салігорскім раёне сёлета ў лютым. Паводле суду, 25-гадовы будаўнік Андрэй Жук дамовіўся зь сябрамі Іванам Сарокіным і Ўладзімерам Марозам абрабаваць аўтамабіль сельгаспрадпрыемства “Бальшавік-Агра”, калі той перавозіў грошы для заробку працаўнікам. Злачынцы скралі паляўнічую стрэльбу з патронамі і зрабілі зь яе абрэз, набілі цьвікі ў дошкі, каб падкласьці пад колы аўтамабіля і гэтак спыніць яго на дарозе. У судзе прагучалі некаторыя падрабязнасьці: калі чакалі ў засадзе аўтамабіля з грашыма, “падагравалі” сябе алькаголем.
Сёньня ў судзе Андрэй Жук казаў, што яны не плянавалі забойства, а стрэльбу нібыта рыхтавалі выключна дзеля “псыхалягічнага ўзьдзеяньня”. Каб скруціць кіроўцу і касіра, падрыхтавалі скотч. Чаму ж тады ў выніку 39-гадовую Сьвятлану Лапцуеву і 38-гадовага вадзіцеля Генадзя Зубца застрэлілі? Вось што сказаў Андрэй Жук, якога сёньня трымалі ў жалезнай клетцы:
“Сарокін ня змог утрымаць кіроўцу, як мы дамаўляліся. Калі я падскочыў да іх, там была бойка, было незразумела, хто каго: Сарокін кіроўцу ці кіроўца Сарокіна. Тады я і зрабіў стрэл у кіроўцу. А пасьля гэтага, відаць, баючыся пакараньня, стрэліў і ў Лапцуеву”.
Затрымалі Андрэя Жука празь некалькі дзён у більярднай. Абшукаўшы, знайшлі наркотыкі — мэтадон і опій. Андрэй Жук адразу прызнаўся ў злачынстве і выдаў скрадзеныя грошы (сваю частку ад 65 мільёнаў рублёў), а потым садзейнічаў сьледзтву. І хоць гэта магло б паспрыяць зьмякчэньню прысуду, судзьдзі палічылі, што выпраўленьне 25-гадовага Андрэя Жука немагчымае. Не спрацавала і тое, што ў Андрэя Жука 3 месяцы таму нарадзіўся сын, а таксама — што ў яго на ўтрыманьні яшчэ адно непаўналетняе дзіця. Суд патлумачыў, што Андрэя Жука раней судзілі за крадзеж мабільнага тэлефона, а забойства двух чалавек ён сплянаваў і ажыцьцявіў адмыслова.
Адвакаты з гэтай пазыцыяй былі нязгодныя і даводзілі, што забойствы адмыслова не рыхтаваліся, а адбыліся ў выніку зьбегу абставінаў. Адвакатка Натальля Мацкевіч заклікала судзьдзяў улічыць і міжнародныя абавязаньні Беларусі ў галіне забесьпячэньня правоў арыштаваных. Паводле абаронцы, Андрэю Жуку ад пачатку сьледзтва не была забясьпечаная дапамога адваката.
Ад камэнтароў журналістам адвакаты адмовіліся. А вось што сказаў “Свабодзе” Ўладзімер Лапцуеў, муж забітай Сьвятланы Лапцуевай:
“Мяркую, пакараньне павінна быць такім, які і злачынства. Яны не далі ім шанцу на жыцьцё і таму самі яго не заслугоўваюць. Забіць маці трох дзяцей — за гэта таксама трэба пазбавіць жыцьця”.
Уладзімер Лапцуеў прызнаны пацярпелым у гэтай справе, і паводле закону суд павінен цікавіцца ягоным меркаваньнем адносна прысуду. Уладзімер Лапцуеў сёньня ў судзе паўтарыў патрабаваньне аб сьмяротным пакараньні для Андрэя Жука. Паводле пацярпелага, яго падтрымліваюць усе ягоныя знаёмыя і сваякі.
Асуджаны на сьмерць Андрэй Жук можа зьвярнуцца з просьбай аб памілаваньні да Аляксандра Лукашэнкі — пра гэта сказаў судзьдзя Валер Калінковіч.
“Андрэй, трымайся. Я даб’юся, што прысуд адменяць. Мы зьвернемся ў міжнародны суд. Сыночак, ты будзеш жыць! Дайце мне пацалаваць сына”.
Міліцыянт: “Нельга, пакіньце судовую залю”.
Злачынства, у якім прызналі вінаватымі Андрэя Жука, Івана Сарокіна і Ўладзімера Мароза, адбылося ў Салігорскім раёне сёлета ў лютым. Паводле суду, 25-гадовы будаўнік Андрэй Жук дамовіўся зь сябрамі Іванам Сарокіным і Ўладзімерам Марозам абрабаваць аўтамабіль сельгаспрадпрыемства “Бальшавік-Агра”, калі той перавозіў грошы для заробку працаўнікам. Злачынцы скралі паляўнічую стрэльбу з патронамі і зрабілі зь яе абрэз, набілі цьвікі ў дошкі, каб падкласьці пад колы аўтамабіля і гэтак спыніць яго на дарозе. У судзе прагучалі некаторыя падрабязнасьці: калі чакалі ў засадзе аўтамабіля з грашыма, “падагравалі” сябе алькаголем.
Сёньня ў судзе Андрэй Жук казаў, што яны не плянавалі забойства, а стрэльбу нібыта рыхтавалі выключна дзеля “псыхалягічнага ўзьдзеяньня”. Каб скруціць кіроўцу і касіра, падрыхтавалі скотч. Чаму ж тады ў выніку 39-гадовую Сьвятлану Лапцуеву і 38-гадовага вадзіцеля Генадзя Зубца застрэлілі? Вось што сказаў Андрэй Жук, якога сёньня трымалі ў жалезнай клетцы:
“Сарокін ня змог утрымаць кіроўцу, як мы дамаўляліся. Калі я падскочыў да іх, там была бойка, было незразумела, хто каго: Сарокін кіроўцу ці кіроўца Сарокіна. Тады я і зрабіў стрэл у кіроўцу. А пасьля гэтага, відаць, баючыся пакараньня, стрэліў і ў Лапцуеву”.
выпраўленьне 25-гадовага Андрэя Жука немагчымае ...
Затрымалі Андрэя Жука празь некалькі дзён у більярднай. Абшукаўшы, знайшлі наркотыкі — мэтадон і опій. Андрэй Жук адразу прызнаўся ў злачынстве і выдаў скрадзеныя грошы (сваю частку ад 65 мільёнаў рублёў), а потым садзейнічаў сьледзтву. І хоць гэта магло б паспрыяць зьмякчэньню прысуду, судзьдзі палічылі, што выпраўленьне 25-гадовага Андрэя Жука немагчымае. Не спрацавала і тое, што ў Андрэя Жука 3 месяцы таму нарадзіўся сын, а таксама — што ў яго на ўтрыманьні яшчэ адно непаўналетняе дзіця. Суд патлумачыў, што Андрэя Жука раней судзілі за крадзеж мабільнага тэлефона, а забойства двух чалавек ён сплянаваў і ажыцьцявіў адмыслова.
Адвакаты з гэтай пазыцыяй былі нязгодныя і даводзілі, што забойствы адмыслова не рыхтаваліся, а адбыліся ў выніку зьбегу абставінаў. Адвакатка Натальля Мацкевіч заклікала судзьдзяў улічыць і міжнародныя абавязаньні Беларусі ў галіне забесьпячэньня правоў арыштаваных. Паводле абаронцы, Андрэю Жуку ад пачатку сьледзтва не была забясьпечаная дапамога адваката.
Ад камэнтароў журналістам адвакаты адмовіліся. А вось што сказаў “Свабодзе” Ўладзімер Лапцуеў, муж забітай Сьвятланы Лапцуевай:
“Мяркую, пакараньне павінна быць такім, які і злачынства. Яны не далі ім шанцу на жыцьцё і таму самі яго не заслугоўваюць. Забіць маці трох дзяцей — за гэта таксама трэба пазбавіць жыцьця”.
Уладзімер Лапцуеў прызнаны пацярпелым у гэтай справе, і паводле закону суд павінен цікавіцца ягоным меркаваньнем адносна прысуду. Уладзімер Лапцуеў сёньня ў судзе паўтарыў патрабаваньне аб сьмяротным пакараньні для Андрэя Жука. Паводле пацярпелага, яго падтрымліваюць усе ягоныя знаёмыя і сваякі.
Асуджаны на сьмерць Андрэй Жук можа зьвярнуцца з просьбай аб памілаваньні да Аляксандра Лукашэнкі — пра гэта сказаў судзьдзя Валер Калінковіч.
Сьмяротане пакараньне ў Беларусі
Паводле незалежных крыніц, ад 1997 году ў Беларусі было пакарана сьмерцю больш за 160 чалавек. Дакладна вядома толькі пра адзін выпадак, калі Аляксандар Лукашэнка памілаваў асуджанага на сьмерць. Эўразьвяз заклікае Беларусь увесьці мараторый, а пасьля і зусім адмовіцца ад гэтага віду пакараньня, якое ў Эўропе лічыцца негуманным і неэфэктыўным.
