Лінкі ўнівэрсальнага доступу

Недзе за горадам, вельмі нядорага, бацька набыў patek philippe


Мыльтымэдыйны агляд інтэрнэт-прасторы ад блогера Будзіміра.





Маскоўскае Аўтарадыё разьвівае тэму швайцарскага гадзіньніка Лукашэнкі. Калі б тое ж самае зрабіла менскае "Аўтарадыё", быў бы сьмелы палітычны крок. Магчыма, нават самазабойчы. А так атрымліваецца як у старым савецкім анэкдоце: "Я таксама магу выйсьці на Чырвоную плошчу, і крыкнуць, што Рэйган - дурань. І мне за гэта нічога ня будзе".


СЛУХАЙ БАЦЬКУ!




Поўная вэрсія палітычнага трэш-гіта ад ВІА "Сябры", якой дасюль не было ў сеціве. Выклаў блогер a_sad_one. Адзначыўшы, што "так запамінальна саміведаецекаго саміведаецекуды не цалаваў ніхто".

ЯКІ ГАДЗІНЬНІК У ПАПЫ РЫМСКАГА?




Такое пытаньне паставіў перад сваімі чытачамі блогер lipkovich. Але цікавасьці яно ня выклікала - пэўна, гадзіньнікавая тэма выходзіць з моды.

НЯЎМОЛЬНЫ ЗАКОН КАРМЫ




Выклала nadzejka_estel

ЛІТВІН І ПЕРАПІСЧЫК





- Мне падумалася: "Літвіны"? Якія "Літвіны", усё думалася... Ну, не зразумеў я. Цэлы вечар думаў, урэшце дапяў... "Скуль літвіны вярнулісь?" Я правільна вымаўляю? Во, я зразумеў - літвіны вяртаюцца з вандроўкі, з начной, між іншым... Падумалася: пагрукаю да суседа, бо сусед да мяне вершам, а я, як дубіна... "Скуль літвіны вярнулісь?" Я часам не пабудзіў?
- Менавіта, я зьбіраўся класьціся.
- Мне падумалася: "Літвіны"... Не стрываю да раніцы - пайду, і пагрукаю, і скажу, што "Літвіны". "Вярнуліся з вандроўкі".
- Ну і добра, літвіны, Вы ўжо мне сказалі, і я б хацеў пакласьціся.
- А-а-а, перапрашаю, не я першы пачаў з гэтымі літвінамі. Вы ў мяне спыталіся "Скуль літвіны вярнулісь?", а я адказваю. У гэтым уся справа, праўда ж? Гэта добра, "Літвіны"...
- Гэта я так проста сказаў, ... ужо з тымі Літвінамі.
- Але як гэта Вы кажаце "... ужо"? Спачатку самі пачалі, а цяпер самі злуецеся? Жадаю добрай ночы...


Урывак з польскага фільму Dzień Świra (Дзень псыха). Абыгрываецца клясычная фраза зь верша Міцкевіча, вядомая аднаму з герояў, і невядомая іншаму. Фраза некалі ўжывалася інтэлігентамі ў кантэксьце выпадковай сустрэчы, пасьля дарогі:

Глянь, ліцьвіны вунь едуць! Едуць з начнога набегу,
Са здабычай, што ўзята зброяй у замках ды ў цэрквах...

(А.Міцкевіч, "Конрад Валенрод".)

Выклаў rycyna


ТАКІ ВЫ ВЕДАЕЦЕ ІДЫШ?


Викторина

«Вы таки знаете идиш?»

Мой результат: 9 правильных ответов из 9.

Мазл тов! Вы, судя по всему, – а гройсе знаток маме-лошн. Именно для вас писали Зингер, Шолом-Алейхем и другие классики.

(пройти эту викторину)


Гэтым тыднем чамусьці вельмі папулярнай забаўкай сярод беларускіх блогераў аказаўся тэст на веданьне ідыш. Найлепшы вынік - дзевяць зь дзевяці - паказаў Яўген Машэка.


ТО ЧАМУ Ж НЯ ВЕДАЦЬ




Калі меней як сто гадоў таму ідыш быў адной зь дзяржаўных моваў у Беларусі. За выяву герба дзякую laksiej.


ЗНАЙДЗІ ЛІШНЯЕ (IQ - ТЭСТ)


На выяве, якую вы бачыце ўнізе, неабходна знайсьці малюнак, які ня ўпісваецца ў агульны кантэкст.



Тэст створаны блогерам modernizm


ГАЛАСУЙ ЗА НІХТО!




Прысьвячаецца ўсім выбарам. Надпісы:

"Галасуй за НІХТО!
НІХТО (ня) выканае перадвыбарчыя абяцаньні.
НІХТО (ня) будзе прыслухоўвацца да вашых праблемаў.
НІХТО (не) дапаможа бедным і безпрацоўным.
НІХТО (ня) дбае пра вас!
Калі НІХТО будзе абраны, лепей будзе кожнаму.
НІХТО (не) гаворыць праўду!"


Гульня словаў, пабудаваная на адсутнасьці ў ангельскай мове падвойнага адмаўленьня. Малюнак выкладзены блогерам g_rub


ЗАВЯЛЫЯ КВЕТКІ КВІТНЕЮЧАЙ БЕЛАРУСІ




Блогерка ocheretniya ocheretniya зрабіла сэрыю здымкаў зь нямоглымі і беднымі старымі на вуліцах Менску.


ПАМІРАЦЬ ВЕСЕЛА!




Рэклямны каляндар, выпушчаны польскай фірмай, якая прадукуе труны. Выклаў poczobut


АЛЕ ЖЫЦЬ УСЁ Ж ВЕСЯЛЕЙ




Вясельны здымак блогера dobry_guzik


МАЛЯЎНІЧАЯ ВОСЕНЬ




Фатограф artgapan удала пераўтварае фотаздымкі ў жывапісныя палотны.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG