Актывісты “Нашых” прывялі да дому Падрабінэка больш як сто вэтэранаў вайны. Яны патрабавалі ад журналіста прынесьці прабачэньне за выказваньні, зробленыя ў артыкуле “Як антысаветчык антысаветчыкам”, прысьвечаным дэмантажу шыльды “Антысавецкай” шашлычнай у Маскве. У артыкуле Падрабінэк зьвярнуўся да вэтэранаў, якія запатрабавалі зьняць шыльду, назваўшы іх скаргу “жлобствам і глупствам”.
Аляксандар Падрабінэк – у мінулым палітзьняволены, у 70-х гадах ён асудзіў рэпрэсіўнае ўжываньне псыхіятрыі і быў адпраўлены ў ссылку і лягер за антысавецкую дзейнасьць.
У сакавіку 2006 году Падрабінэк, які прысутнічаў на мітынгу апазыцыі ў Менску ў якасьці журналіста, быў асуджаны на 15 сутак. Выступаючы на Радыё Свабода, ён правёў паралелі паміж тым, што адбываецца ў Расеі і Беларусі: “хаця ў Расеі няма пакуль жорсткага перасьледу апазыцыі, падыход цалкам аднолькавы, проста кіраўніцтва Расеі пакуль ня можа дазволіць сабе распраўляцца са сваімі палітычнымі праціўнікамі гэтак жа, як Аляксандар Лукашэнка,” – сказаў тады А.Падрабінэк.
Аляксандар Падрабінэк – у мінулым палітзьняволены, у 70-х гадах ён асудзіў рэпрэсіўнае ўжываньне псыхіятрыі і быў адпраўлены ў ссылку і лягер за антысавецкую дзейнасьць.
У сакавіку 2006 году Падрабінэк, які прысутнічаў на мітынгу апазыцыі ў Менску ў якасьці журналіста, быў асуджаны на 15 сутак. Выступаючы на Радыё Свабода, ён правёў паралелі паміж тым, што адбываецца ў Расеі і Беларусі: “хаця ў Расеі няма пакуль жорсткага перасьледу апазыцыі, падыход цалкам аднолькавы, проста кіраўніцтва Расеі пакуль ня можа дазволіць сабе распраўляцца са сваімі палітычнымі праціўнікамі гэтак жа, як Аляксандар Лукашэнка,” – сказаў тады А.Падрабінэк.