Лінкі ўнівэрсальнага доступу

Жніво-2009 забрала 11 жыцьцяў


Сёлета на жніве ў Беларусі загінула 11 чалавек. Гэтую інфармацыю спраўдзіў сёньня старшыня прафсаюзу працаўнікоў АПК Уладзімер Навумчык на чарговым паседжаньні Нацыянальнага савета па працоўных і сацыяльных пытаньнях.

Па дадзеных прафсаюза АПК, сёлета колькасьць трагедыяў павялічылася. У мінулагодняе жніво загінулі 6 чалавек, яшчэ 9 былі параненыя.

Сьпіс ахвяраў павялічваецца. На мінулым тыдні ў вёсцы Чамля Пінскага раёна жняяркай камбайна для ўборкі кукурузы была сьмяротна паранена 79-гадовая мясцовая жыхарка.

У кастрычніку таксама на кукурузным полі загінуў 74-гадовы жыхар вёскі Селаўшчына Бярозаўскага раёна. Пэнсіянэр зьбіраў кукурузныя кіяхі і таксама трапіў пад высокую жняярку камбайна.

А ў Берасьцейскім раёне 47-гадовы мужчына, які знаходзіўся на кукурузным полі, быў моцна паранены камбайнам. Урачам давялося ампутаваць абедзьве лыткі.

Яшчэ на гэтую тэму

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG