Кіраўнік “Трэцяга сэктару” Вітаўт Руднік зазначыў, што з 52 ахвотных залічаны толькі 28 дзяўчат і хлопцаў. Іх падзеляць на дзьве “рэдакцыі”, у адной асноўная ўвага будзе надавацца працы ў газэце, у другой — на радыё. Заняткі працягнуцца сем месяцаў. 27-га майстар-клясы ў ШМЖ правялі менскія журналісты Паўлюк Быкоўскі і Севярын Квяткоўскі.
Вітаўт Руднік паведаміў, што цяперашняя група навучэнцаў — трынаццатая па ліку. За папярэднія дванаццаць гадоў школу закончылі каля 250 дзяўчат і хлопцаў.