Лінкі ўнівэрсальнага доступу

Былога кандыдата на дэпутата будуць судзіць 28 верасьня


Андрэй Бандарэнка
Андрэй Бандарэнка

Сёньня стала вядома, што суд над прадпрымальнікам Андрэем Бандарэнкам прызначаны на 28 верасьня. Пачатак у 10.30. Справа будзе слухацца ў Першамайскім судзе Менску.

Бізнэсоўца, удзельніка выбарчай кампаніі 2008 году, арыштавалі 27 траўня сёлета.

Яго вінавацяць у тым, што ён скраў 20 мільёнаў рублёў. Кіраўніцтва Аб’яднанай грамадзянскай партыі заяўляе, што бізнэсовец — сябра партыі, і яго затрыманьне лічыць палітычна матываваным.

У выбарчай кампаніі 2008 году Бандарэнка ўдзельнічаў як незалежны кандыдат.

Ён балятаваўся ў дэпутаты Палаты прадстаўнікоў па Асіповіцкай выбарчай акрузе № 89. Асноўным канкурэнтам быў старшыня Клічаўскага райвыканкаму Сяргей Крыжэвіч.

Андрэй Бандарэнка нарадзіўся ў 1973 годзе на Кіраўшчыне. Падчас мінулых выбараў працаваў дырэктарам дэпартамэнту па разьвіцьці і зьнешнеэканамічных сувязях акцыянэрнага таварыства “Белвысотстройгрупп”. Пра арышт Бандарэнкі сваякі даведаліся на наступны дзень, 28 траўня, калі міліцыянты прыйшлі зь ператрусам.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG