Гэта адбылося ў часе стаянкі польскага рэйсавага аўтобуса, якім ехала жанчына. Спраўджваньне дакумэнтаў стала для беларускі абсалютнай нечаканасьцю.
Віза ў яе была пратэрмінаваная. Аглядаючы асабістыя рэчы маладой жанчыны, паліцыянты знайшлі запрашэньне ад польскага грамадзяніна, у якім канчатковаю мэтай паездкі была пазначаная Польшча. Тым часам сама беларуска паведаміла, што ўвесь гэты час правяла ў сваіх сваякоў у Італіі.
Жанчыне інкрымінуецца нелегальнае знаходжаньне на тэрыторыі Нямеччыны, а таксама атрыманьне шэнгенскай візы на несапраўднай падставе.