Лінкі ўнівэрсальнага доступу

Помнік Леніну-забойцу адновяць


“Мы будзем аднаўляць помнік Леніну, частка якога звалілася на мужчыну. Пытаньне пра тое, калі і якімі сіламі гэта будзе зроблена”, — заявіў старшыня Ўваравіцкага пасялковага савету Ігар Іванчыкаў.

Ён таксама паведаміў, што помнік быў усталяваны ў 60-я гады 20-га стагодзьдзя.

“Цяпер часткі помніка Леніну, якія адваліліся, ляжаць на месцы здарэньня”, — дадаў чыноўнік.

10 жніўня 21-гадовы жыхар мястэчка Ўваравічы (Гомельская вобласьць) загінуў пасьля таго, як на яго зваліўся помнік Уладзімеру Леніну.

У 4:40 раніцы хлопец залез на пастамэнт помніка вышынёй каля 7 м і паспрабаваў павіснуць на працягнутай наперад руцэ Леніна. У гэты момант канструкцыя абрынулася.

Па дарозе ў Гомельскую абласную клінічную лякарню малады чалавек сканаў, перадае БелТА.

Намесьнік начальніка РУЎС Буда- Кашалёўскага раёну (Гомельская вобласьць) Ігар Лебедзь паведаміў, што міліцыя праводзіць праверку акалічнасьцяў здарэньня.

“Мы апытваем сьведкаў трагедыі. У нас ёсьць дзесяць дзён, каб прыняць рашэньне, ці заводзіць крымінальную справу”, — кажа Лебедзь. — “Але, хутчэй за ўсё, нават калі высьветліцца, што загіблы залез на помнік з хуліганскіх памкненьняў, крымінальная справа заведзена ня будзе”.

Міліцыянт пераказвае словы сьведкаў здарэньня: нябожчык “жадаў пахваліцца, што ён дужы і можа залезьці на высокі помнік”.

Лебедзь таксама паведаміў, што нябожчык, імя якога не называецца, быў раней асуджаны за хуліганства і ў Буда-Кашалёўскім раёне знаходзіўся на папраўчых працах.

Экспэрты Міністэрства культуры зазначаюць, што ў Беларусі болей за 10 помнікаў Леніну прызнаныя аб'ектамі гісторыка-культурнай спадчыны.

У Манумэнтальна-экспэртнай мастацкай радзе Інтэрфаксу паведамілі, што ўлік таго, колькі ўсталявана помнікаў Леніну, Сталіну, Марксу і Энгельсу на тэрыторыі Беларусі, ніколі не праводзіўся.

Глядзець камэнтары (3)

Гэтая дыскусія закрытая.

Яшчэ на гэтую тэму

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG