Лінкі ўнівэрсальнага доступу

Юры Хадыка: “У грамадзтве адбылася дэвальвацыя галадоўкі”


Юры Хадыка

Сваімі думкамі і меркаваньнямі пра галадоўку Мікалая Аўтуховіча сёньня дзеляцца тыя, хто калісьці таксама пратэставаў такім спосабам.

Прафэсар Юры Хадыка галадаў у 1996-м годзе за кратамі 25 дзён, калі быў абвінавачаны ў арганізацыі масавых беспарадкаў. З таго часу, на ягоны погляд, галадоўка як форма палітычнага пратэсту зазнала дэвальвацыю. І прыбягаць да яе трэба ў крайніх выпадках, бо страчанае здароўе — ня вернеш.

Хадыка: “Хачу аддаць належнае мужнасьці гэтага чалавека, хаця й ня цалкам згодны з тым, што спадару Аўтуховічу трэба было прыбягаць да гэткай скрайняй меры змаганьня за свае правы. За той час, які прайшоў з моманту маёй галадоўкі ў 1996 годзе, адбылося многа спроб галадаваньня недастаткова сур’ёзных. Яны дэвальвавалі каштоўнасьць гэтага кроку.
Я хачу нагадаць галадоўку маладых людзей, якія пачыналі, а потым кідалі, нічога не дамогшыся і нічога нікому не даказаўшы.
Я хачу нагадаць галадоўку маладых людзей, якія пачыналі, а потым кідалі, нічога не дамогшыся і нічога нікому не даказаўшы.

Але, натуральна, вельмі высока цаню мужных людзей, якія сур’ёзна, — як Казулін, як Аўтуховіч, — прыбягаюць да гэтага цяжкога спосабу змаганьня. Хоць у грамадзтве і адбылася пэўная дэвальвацыя галадоўкі“.

Карэспандэнтка: “Але пакуль што не дэфолт”?

Хадыка: “Не, канечне, не дэфолт. Але калі пакуль ёсьць іншыя сродкі змаганьня, трэба прыбягаць да іх. А ў сёньняшняй сытуацыі я ня ўпэўнены, што пасьля больш як трох месяцаў галадаваньня ён не нанясе шкоды свайму здароўю”.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG