Ён вусна паведаміў намесьніку кіраўніка аддзелу па барацьбе з карупцыяй і арганізаванай злачыннасьцю Ігару Грэйбу пра патрабаваньне моладзевых актывістаў як мага хутчэй вырашыць пытаньне вызваленьня Мікалая Аўтуховіча, які трымае галадоўку пратэсту супраць незаконнага арышту 50-ты дзень.
Супрацоўнік пракуратуры параіў прынесьці пісьмовую заяву на наступны дзень.
Камэнтаваць стан крымінальнай справы сп.Грэйба адмовіўся.
Вечарам 3 чэрвеня маладыя людзі заблякавалі ўваход у Генэральную пракуратуру. Яны патрабавалі вызваліць зьняволеных ваўкавыскіх прадпрымальнікаў – Мікалая Аўтуховіча, Юрыя Лявонава і Ўладзімера Асіпенку.
Прадстаўнік пракуратуры, якія выйшаў да актывістаў Эўрапейскай Беларусі, паведаміў, што яны атрымаюць адказы на ўсе ўзьнятыя пытаньні на наступны дзень.
