Звароты ў Генпракуратуру, пракуратуру Гарадзенскай вобласьці і ўпраўленьне ўнутраных спраў гарадзенскага аблвыканкаму з інфармацыяй пра галадоўку салідарнасьці і патрабаваньнем зьмяніць меру стрыманьня палітвязьням накіравалі актывісты “Маладога фронту”.
Кіраўнік аддзелу Генпракуратуры па наглядзе за сьледзтвам у органах унутраных спраў Ягор Сіняк ім адмовіў. Спаслаўся на тое, што ўдзельнікі галадоўкі не зьяўляюцца зацікаўленымі асобамі, якім дадзена права абскарджваць дзеяньні і рашэньні органаў папярэдняга сьледзтва. Таму довады галадоўнікаў застаюцца без задавальненьня.
