Судзьдзя Валянціна Кісьмярошкіна пачала судовы працэс паводле міліцэйскіх пратаколаў, складзеных 26 красавіка гэтага году на Аляксея Пілевіча і Кастуся Іванова. Згодна з гэтымі дакумэнтамі, абодва хлопцы адмовіліся выканаць патрабаваньні міліцыянтаў. У тым выпадку, калі іхная віна будзе даведзена, спадарам Пілевічу і Іванову пагражае штраф памерам ад 20 да 50 базавых велічынь ( ад 700 тысяч да 1 млн. 750 тысяч рублёў).
З абвінавачаньнем затрыманыя на ўгодкі Чарнобыльскай трагедыі актывісты катэгарычна нязгодныя — і тыя, каго сёньня судзілі за непадпарадкаваньне міліцыянтам, і сьведкі ў гэтай справе Ірына Пятрова, Алесь Галавань і Валер Раманенка, якіх таксама затрымалі 26 красавіка, але адпусьцілі безь ніякіх пратаколаў.
Аляксей ПілевічАляксей Пілевіч распавёў, што да 23-й гадавіны чарнобыльскай аварыі моладзь хацела правесьці вулічнае шэсьце. Але на месцы збору, каля кавярні “Журавінка”, ужо чакалі супрацоўнікі міліцыі. Яны запатрабавалі, каб маладыя людзі паказалі дакумэнты. Усе падпарадкаваліся, у тым ліку і Аляксей Пілевіч, які прынёс майкі з антыядзернай сымболікай, каб раздаць сябрам перад акцыяй. Паводле актывіста, супрацоўнікі міліцыі гэтай сумкай адразу зацікавіліся, заявіўшы, што падазраюць моладзь у сэрыі крадзяжоў, зьдзейсьненых у гэтым раёне:
“Мяне папрасілі паказаць, што ў мяне ў сумцы. Я пагадзіўся: „Добра, а што вы там чакаеце ўбачыць?“ Міліцыянт мне не адказаў. І ў гэты момант мяне ў сьпіну штурхнуў чалавек у цывільным і нас усіх завалаклі па асфальце ў машыну. Потым у міліцэйскім пратаколе напісалі, што я адмовіўся прад’явіць пашпарт”.
Кастусь ІваноўУ пратаколе, складзеным на Кастуся Іванова, міліцыянты запісалі, што ён хапаў іх за форменнае адзеньне.
“Напісалі, што я крычаў, размахваў рукамі, хапаўся за форму і адарваў пагон. А мяне ўвогуле затрымлівалі людзі ў цывільным, якія, дарэчы, не паказалі аніякіх дакумэнтаў. І пагонаў на іх не было”.
Аляксей Пілевіч і Кастусь Іваноў заявілі хадайніцтва, каб на наступным пасяджэньні можна было паглядзець відэаматэрыялы апэратыўных відэаздымак. Такім чынам яны мяркуюць давесьці сваю невінаватасьць. Таксама судзьдзя пагадзілася апытаць у якасьці сьведак невядомых у цывільным, якія, паводле сьведчаньняў супрацоўнікаў, зьяўляюцца міліцыянтамі.
Наступнае пасяджэньне судзьдзя прызначыла на 11-га чэрвеня.
З абвінавачаньнем затрыманыя на ўгодкі Чарнобыльскай трагедыі актывісты катэгарычна нязгодныя — і тыя, каго сёньня судзілі за непадпарадкаваньне міліцыянтам, і сьведкі ў гэтай справе Ірына Пятрова, Алесь Галавань і Валер Раманенка, якіх таксама затрымалі 26 красавіка, але адпусьцілі безь ніякіх пратаколаў.
“Мяне папрасілі паказаць, што ў мяне ў сумцы. Я пагадзіўся: „Добра, а што вы там чакаеце ўбачыць?“ Міліцыянт мне не адказаў. І ў гэты момант мяне ў сьпіну штурхнуў чалавек у цывільным і нас усіх завалаклі па асфальце ў машыну. Потым у міліцэйскім пратаколе напісалі, што я адмовіўся прад’явіць пашпарт”.
“Напісалі, што я крычаў, размахваў рукамі, хапаўся за форму і адарваў пагон. А мяне ўвогуле затрымлівалі людзі ў цывільным, якія, дарэчы, не паказалі аніякіх дакумэнтаў. І пагонаў на іх не было”.
Аляксей Пілевіч і Кастусь Іваноў заявілі хадайніцтва, каб на наступным пасяджэньні можна было паглядзець відэаматэрыялы апэратыўных відэаздымак. Такім чынам яны мяркуюць давесьці сваю невінаватасьць. Таксама судзьдзя пагадзілася апытаць у якасьці сьведак невядомых у цывільным, якія, паводле сьведчаньняў супрацоўнікаў, зьяўляюцца міліцыянтамі.
Наступнае пасяджэньне судзьдзя прызначыла на 11-га чэрвеня.
