НАВІНЫ ТЭСТЫ

Гарачыя навіны!

Тыдзень у фатаздымках, 10—16 траўня

17 травень 2009, 00:00

Беларускія падзеі ў фатаздымках, 10—16 траўня 2009 году.



Цэлы тыдзень, да вечара пятніцы, працягвалася галадоўка маладафронтаўцаў.

Мікалай Расюк, якога па леташняй лістападаўскай акцыі пратэсту працаўнікоў будаўнічай управы № 129 “Лаўсанбуду” перавялі працаваць на іншы аб’ект у іншую мясцовасьць. На тыдні ён з гэтай нагоды судзіўся, і суд прайграў.

11 траўня, у панядзелак, падчас мерапрыемства ў бэрлінскім “Sony Centre” маладыя беларусы падаравалі Нікаля Сарказі і Ангеле Мэркель бел-чырвона-белыя сыліконавыя бранзалеты з слоганам “За свабоду”, якія палітыкі адразу ж надзелі на запясьці.


12 траўня, у аўторак, вайсковы суд пагадзіўся з рашэньнем міжгарнізоннага суду, што гвалтоўны прызыў Франка Вячоркі ў войска быў законны.

Эўрапейскі Зьвяз заклікае Беларусь зрабіць новыя крокі ў пляне разьвіцьця дэмакратыі і захаваньня асноўных правоў і свабодаў чалавека. Пра гэта 12 траўня на прэс-канфэрэнцыі ў Менску з нагоды Дня Эўропы заявіў кіраўнік прадстаўніцтва Эўрапейскай камісіі ў Беларусі, пасол Эўракамісіі ва Ўкраіне і Беларусі Жазэ Мануэль Пінту Тэйшэйра (справа на фота).

12 траўня ў Горадні адкрылася выстава маладых польскіх мастакоў з Гданьску, якая мае назву “Абсэрваторыя рэчаіснасьці” — паводле назвы іхняга аб’яднаньня.

Павал Кур’яновіч быў затрыманы 12 траўня на праспэкце Незалежнасьці падчас распаўсюду ўлётак пра марш “За незалежнасьць”. Ноч на 13 траўня актывіста пратрымалі ў ізалятары на вуліцы Акрэсьціна. 14 траўня суд пакараў Паўла штрафам у 10 базавых велічынь.

13 траўня ў сталічным Палацы мастацтваў адкрылася мастацкая фотавыстава “Адзін дзень у Чэскай Рэспубліцы”.




14 траўня ў Менску прайшоў марш “За Незалежнасьць”, арганізаваны "Маладым Фронтам". Былі затрыманьні, удзельнікаў акцыі зьбівалі.

У Віцебску 14 траўня з аматарамі творчасьці Васіля Быкава сустрэлася ўдава пісьменьніка Ірына Міхайлаўна (на фота, ускладае кветкі да мэмарыяльнай дошкі Васілю Быкаву) і сябры Саюзу пісьменьнікаў Беларусі Алесь Пашкевіч і Барыс Пятровіч.

14 траўня гурт “Стары Ольса” даў у Горадні трохгадзінны канцэрт.


16 траўня. Раніца салідарнасьці ў Віцебску



16 траўня ў Менску на Кастрычніцкай плошчы прайшла традыцыйная акцыя салідарнасьці.

Яшчэ на гэтую тэму

XS

SM

MD

LG