NASA зноў адклала запуск чаўнака

Амэрыканскае касьмічнае агенцтва NASA адклала прынамсі да 8 траўня запуск чаўнака «Індэвар» да Міжнароднай касьмічнай станцыі. Прызначаная другая спроба запуску адмененая, бо не змаглі адрамантаваць адзін з гідраўлічных генэратараў. Чаўнок павінен даставіць на МКС альфа-мгнітны спэктромэтар для дасьледаваньня элемэнтарных часьціцаў касьмічнага выпраменьваньня.

Кошт апарата – 2 мільярды даляраў. Плянаваны палёт будзе 25-м і апошнім у гісторыі «Індэвара».