ВОБЛАЧНА...
...часам дождж. Тэмпэратура: 9 – 18 цяпла.
У ЦЭНТРЫ ЎВАГІ:
У менскіх раённых судах працягнуцца працэсы над былым кандыдатам у прэзыдэнты Андрэем Саньнікавым і іншымі ўдзельнікамі Плошчы.
НЕ ПРАХОДЗЬЦЕ МІМА:
Канцэрт “Героям даляглядаў”. Станцыя мэтро Акадэмія навук, вул. Хмяльніцкага, 9, БНТУ 11а корпус (ФІТР), актавая заля, 2 паверх; пачатак а 19.00. Выступяць Кася Камоцкая, Тацьцяна Беланогая, Раман Яраш.
ТАМ ДЗЕ НАС НЯМА:
Прынц Уільям жэніцца ў Лёндане.
Хакейны матч Беларусь-Канада ў Кошыцах (Славаччына) ў рамках чэмпіянату сьвету.
ТАКСАМА Ў ГЭТЫ ДЗЕНЬ:
У 1951 памёр аўстрыйскі філёзаф Людвіг Вітгенштайн (нар. 1889).
У 1975 апошнія амэрыканскія вайскоўцы пакінулі Віетнам, эвакуяваныя з Сайгону на самалётах і верталётах.
У 1980 памёр брытанскі і амэрыканскі кінарэжысэр Альфрэд Хічкок, вядомы сваімі фільмамі-трылерамі (нар. 1899).
ЁСЬЦЬ НАГОДА:
Міжнародны дзень танца.
МІНУС 365:
Эрвін Рот: “Лукашэнка гуляў у казіно” .
ЦЫТАТА НА ПАМЯЦЬ:
“Я ня ведаю, дзеля чаго мы тут апынуліся, але я даволі ўпэўнены, што ня дзеля таго, каб забаўляцца”.
Людвіг Вітгенштайн
