Віцебскі журналіст Уладзіслаў Старавераў ноч правёў у ізалятары часовага ўтрыманьня і цяпер чакае суду. Міліцыянты затрымалі яго 26 красавіка пад час “чарнобыльскай” акцыі, якую хлопец здымаў на відэакамэру.
Супрацоўнікі міліцыі ў цывільным накінуліся на Ўладзіслава Стараверава са сьпіны, бо ім не спадабалася, што яны таксама трапляюць у відэасюжэт. Хлопцу заламілі рукі і некалькі мэтраў валачылі па зямлі. Тры гадзіны яго трымалі ў Кастрычніцкім РАУС, а потым адвезьлі ў ізалятар часовага ўтрыманьня.
Ніякіх пратаколаў, як кажа сам Старавераў, на яго не складалі – прынамсі, ён ніякіх папер не падпісваў. І толькі па дарозе ў ІЧУ ён даведаўся ад ахоўнікаў, што яго вінавацяць у дробным хуліганстве – нецэнзурнай лаянцы, -- а таксама ў непадпарадкаваньні патрабаваньням супрацоўнікам міліцыі.
Справу Ўладзіслава Стараверава мае разгледзець Кастрычніцкі райсуд Віцебску.
Супрацоўнікі міліцыі ў цывільным накінуліся на Ўладзіслава Стараверава са сьпіны, бо ім не спадабалася, што яны таксама трапляюць у відэасюжэт. Хлопцу заламілі рукі і некалькі мэтраў валачылі па зямлі. Тры гадзіны яго трымалі ў Кастрычніцкім РАУС, а потым адвезьлі ў ізалятар часовага ўтрыманьня.
Ніякіх пратаколаў, як кажа сам Старавераў, на яго не складалі – прынамсі, ён ніякіх папер не падпісваў. І толькі па дарозе ў ІЧУ ён даведаўся ад ахоўнікаў, што яго вінавацяць у дробным хуліганстве – нецэнзурнай лаянцы, -- а таксама ў непадпарадкаваньні патрабаваньням супрацоўнікам міліцыі.
Справу Ўладзіслава Стараверава мае разгледзець Кастрычніцкі райсуд Віцебску.
