Аляксандар Мілінкевіч просіць Аляксандра Лукашэнку зьвярнуць увагу на лёс Мікалая Аўтуховіча, Юрыя Лявонава і Ўладзіміра Асіпенкі, паведамляе прэсавая служба руху “За свабоду”.
Усе трое былі затрыманыя ў Ваўкавыску 8 лютага 2009 году. Ім прад’яўлена абвінавачаньне па артыкуле 218 Крымінальнага кодэксу Рэспублікі Беларусь (наўмыснае зьнішчэньне альбо пашкоджаньне маёмасьці).
“На працягу трох месяцаў знаходжаньня пад вартай з Аўтуховічам, Лявонавым і Асіпенкам фактычна не праводзяцца сьледчыя дзеяньні, дагэтуль не адбыліся вочныя стаўкі зь меркаванымі пацярпелымі і сьведкамі абвінавачваньня”, — піша Мілінкевіч Лукашэнку. — “Больш за тое, па злачынстве, у якім яны абвінавачваюцца, ужо было праведзенае сьледзтва, былі асуджаныя іншыя людзі, якія адбываюць пакараньне, шкода пацярпелым была кампэнсаваная.
Пратэстуючы супраць зацягваньня сьледзтва і несправядлівага характару свайго затрыманьня, Мікалай Аўтуховіч быў вымушаны пайсьці на адзіна даступную меру пратэсту ва ўмовах турмы — на галадоўку. Ён патрабуе неадкладнага пачатку адкрытага судовага разбіральніцтва або зьмяненьня меры ўтрыманьня для сябе, Юрыя Лявонава і Ўладзіміра Асіпенкі. Ён галадае ўжо 23-я суткі“.
Каб выратаваць жыцьцё Мікалаю Аўтуховічу і палепшыць імідж Беларусі, Мілінкевіч заклікае Лукашэнку “зьдзейсьніць акт добрай волі і паспрыяць неадкладнаму пачатку адкрытага судовага разьбіральніцтва па дадзенай справе, або зьмене меры стрыманьня для Мікалая Аўтуховіча, Юрыя Лявонава і Ўладзіміра Асіпенкі”.
Іншыя апазыцыйныя палітыкі – Мікола Статкевіч, Андрэй Саньнікаў, Вінцук Вячорка, Анатоль Лябедзька – учора абралі іншы спосаб барацьбы за справядлівасьць у дачыненьні да ваўкавыскіх прадпрымальнікаў. Яны ўзялі ўдзел у супольнай акцыі салідарнасьціз палітвязьнямі і памяці аб зьніклых.
Перад пачаткам акцыі саладірнасьці на “Кастрычніцкай” станцыі мэтро Анатоль Лябедзька быў затрыманы і пазьней зьбіты ў пастарунку.
Тым часам у сядзібе БНФ на знак салідарнасьці з ваўкавыскімі прадпрымальнікамі ўжо пяты дзень працягваецца галадоўка маладафронтаўцаў.
Усе трое былі затрыманыя ў Ваўкавыску 8 лютага 2009 году. Ім прад’яўлена абвінавачаньне па артыкуле 218 Крымінальнага кодэксу Рэспублікі Беларусь (наўмыснае зьнішчэньне альбо пашкоджаньне маёмасьці).
“На працягу трох месяцаў знаходжаньня пад вартай з Аўтуховічам, Лявонавым і Асіпенкам фактычна не праводзяцца сьледчыя дзеяньні, дагэтуль не адбыліся вочныя стаўкі зь меркаванымі пацярпелымі і сьведкамі абвінавачваньня”, — піша Мілінкевіч Лукашэнку. — “Больш за тое, па злачынстве, у якім яны абвінавачваюцца, ужо было праведзенае сьледзтва, былі асуджаныя іншыя людзі, якія адбываюць пакараньне, шкода пацярпелым была кампэнсаваная.
Пратэстуючы супраць зацягваньня сьледзтва і несправядлівага характару свайго затрыманьня, Мікалай Аўтуховіч быў вымушаны пайсьці на адзіна даступную меру пратэсту ва ўмовах турмы — на галадоўку. Ён патрабуе неадкладнага пачатку адкрытага судовага разбіральніцтва або зьмяненьня меры ўтрыманьня для сябе, Юрыя Лявонава і Ўладзіміра Асіпенкі. Ён галадае ўжо 23-я суткі“.
Каб выратаваць жыцьцё Мікалаю Аўтуховічу і палепшыць імідж Беларусі, Мілінкевіч заклікае Лукашэнку “зьдзейсьніць акт добрай волі і паспрыяць неадкладнаму пачатку адкрытага судовага разьбіральніцтва па дадзенай справе, або зьмене меры стрыманьня для Мікалая Аўтуховіча, Юрыя Лявонава і Ўладзіміра Асіпенкі”.
Іншыя апазыцыйныя палітыкі – Мікола Статкевіч, Андрэй Саньнікаў, Вінцук Вячорка, Анатоль Лябедзька – учора абралі іншы спосаб барацьбы за справядлівасьць у дачыненьні да ваўкавыскіх прадпрымальнікаў. Яны ўзялі ўдзел у супольнай акцыі салідарнасьціз палітвязьнямі і памяці аб зьніклых.
Перад пачаткам акцыі саладірнасьці на “Кастрычніцкай” станцыі мэтро Анатоль Лябедзька быў затрыманы і пазьней зьбіты ў пастарунку.
Тым часам у сядзібе БНФ на знак салідарнасьці з ваўкавыскімі прадпрымальнікамі ўжо пяты дзень працягваецца галадоўка маладафронтаўцаў.
