– У чарговым зборніку інтэрвію вядомага ўжо аўтара ўсе без выключэньня гераіні вымушаныя займацца ў той ці іншай ступені палітыкай.
У дэмакратычным грамадзтве гэта выклікала б толькі пазытыўныя эмоцыі і коменты.
У нас жа гэта сярод іншых пачуцьцяў – непрыхаваную горыч.
Таму рэспект аўтару за тое, што жанчыны-гераіні падаюцца не таварышамі па барацьбе, зашоранымі і закамплексаванымі палітыкай (“бруднай справай”), а – цікавымі, прыгожымі, самадастатковымі Асобамі.
Упэўнены, гэтую кнігу не закінуць на верхнюю паліцу, каб забыцца пра яе на бліжэйшыя гады, а будуць перадаваць пачытаць сябрам, знаёмым, проста тым, хто хоча больш даведацца пра ўчора і сёньня Беларусі.
Дый яе заўтра.
