Лінкі ўнівэрсальнага доступу

Фратыні: “Беларусь сама вырашыць, каго накіраваць на саміт”


Пра гэта кіраўнік МЗС Італіі заявіў сёньня пасьля заканчэньня сустрэчы міністраў Эўразьвязу ў Люксэмбургу, дзе сярод іншага абмяркоўвалася й пытаньне магчымага ўдзелу ў праскім саміце Аляксандра Лукашэнкі.

Цяпер беларускі кіраўнік знаходзіцца ў Рыме. Сёньня ўвечары ён запрошаны на вячэру, якую ладзіць у ягоны гонар прэм’ер-міністар краіны Сыльвіё Бэрлюсконі і ў якой таксама мае ўдзельнічаць і Франка Фратыні.

Як заявіў Фратыні, пэўнасьці адносна таго, што прэзыдэнт Лукашэнка прыбудзе ў Прагу, усё яшчэ няма. “Існуе такая верагоднасьць, – падкрэсьліў міністар, – хоць запрашэньне было зробленае для Беларусі, а не асабіста для Лукашэнкі. Хай гэта, аднак, вырашаць самі беларускія ўлады”.

Паводле кіраўніка італьянскага МЗС, у часе травеньскага саміту ў Празе ня будуць абмяркоўвацца беларускія ці малдаўскія праблемы.

Прыём кіраўнікоў постсавецкіх краінаў у Празе, лічыць міністар, гэта дэманстрацыя ўвагі Эўразьвязу да гэтага рэгіёну, але, зразумела, “мы ня можам устрымацца ад вырашэньня такіх пытаньняў, як правы чалавека”.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG