Як паведамляла наша радыё, больш як 50 жыхароў вуліцы Войкава паставілі свае подпісы пад патрабаваньнем зьмяніць яе назву.
Аргумэнты былі такія, што, па-першае, Войкаў ніякага дачыненьня да Слоніма ня мае. Па-другое, у свой час ён непасрэдна ўдзельнічаў у расстрэле царскай сям’і, падпісаў дакумэнты аб выдаткаваньні вялікай колькасьці сернай кіслаты, каб цалкам зьнішчыць целы расстраляных.
Як зазначалася ў лісьце, факты гэтыя — гістарычна ўстаноўленыя й навукова даказаныя.
У адказе з Слонімскага райвыканкама гаворыцца: “Пры разглядзе Вашай заявы дачыненьне Войкава Пятра Лазаравіча да забойства царскай сям’і Мікалая II не пацьвердзіліся. Вырашылі вуліцу імя Войкава не пераймяноўваць, паколькі значная большасьць жыхароў гэтай вуліцы супраць перайменаваньня”.
