Пан Кі Мун абураны дзеяньнямі Ізраілю

Прэм’ер-міністар Ізраілю Эхуд Ольмэрт выказаў шкадаваньне ў сувязі з інцыдэнтам, але адзначыў, што ізраільскі ўдар быў адказам на дзеяньні ваеўнікоў. Спадар Ольмэрт патлумачыў, што ізраільскія войскі нанесьлі ўдар па будынках ААН у Газе пасьля таго, як палестынскія ваеўнікі адкрылі адтуль агонь.

У выніку авіяўдару ізраільскіх войскаў па комплексе будынкаў ААН у Газе загінуў адзін зь лідэраў руху “Хамас” Саід Сіям. Гэта самы высокі з прадстаўнікоў “Хамас”, забітых падчас трохтыднёвай апэрацыі Ізраілю ў Паласе Газы.