Лінкі ўнівэрсальнага доступу

Рыхтуецца працоўны візыт Лукашэнкі ва Ўкраіну


Прэзыдэнты Ўкраіны і Беларусі Віктар Юшчанка і Аляксандар Лукашэнка могуць сустрэцца ў хуткім часе для абмеркаваньня шэрагу пытаньняў двухбаковага супрацоўніцтва, заявіў Інтэрфаксу ўкраінскі амбасадар у Менску Ігар Ліхавы.


"Гэтая сустрэча ў хуткім часе адбудзецца, таму што ў ёй ёсьць неабходнасьць. Рыхтуецца працоўны візыт ва Ўкраіну прэзыдэнта Беларусі, затым будзе афіцыйны візыт. Мы рыхтуем цэлы пакет дакумэнтаў да гэтых сустрэч", - адзначыў дыплямат.

У прыватнасьці, адзначыў І.Ліхавы, гаворка ідзе аб ратыфікацыі беларускім парлямэнтам Дамовы аб дзяржаўнай мяжы ад 1997 году.

Пры гэтым ён выказаў здагадку, што "можа быць, з часам гэтая мяжа страціць сваё значэньне, як гэта адбылося ў Эўразьвязе".

Украінскі амбасадар таксама лічыць неабгрунтаванымі абвінавачваньні Расеі ў зрыве Кіевам транзыту расейскага газу.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG