Лінкі ўнівэрсальнага доступу

Дэлегацыя Эўразьвязу вылецела на Блізкі Ўсход


Яе мэта – дамагчыся спыненьня агню ў Паласе Газа. Дэлегацыю ўзначаліў чэскі міністар замежных справаў Карэл Шварцэнбэрг. Дэлегацыя мае намер наведаць Каір, Ерусалім, Рамалу і Аман.

Перад адлётам з Прагі камісар Эўразьвязу па зьнешніх сувязях Бэніта Фэрэра Вальднэр заявіла:

“Мы ўсе вельмі занепакоеныя сытуацыяй у Газе, і ў прыватнасьці гуманітарнай абстаноўкай, якая складваецца там, ды мяркуем, што абсалютна неабходна спыніць гвалт”.

Эўразьвяз накіраваў 3 мільёны эўра на гуманітарную дапамогу Газе.

Расея таксама заклікала да спыненьня агню і накіравала ў рэгіён свайго прадстаўніка Аляксандра Салтанава.

Тым часам прэзыдэнт Ізраілю Шымон Пэрэс адкінуў магчымасьць спыненьня агню, заявіўшы пры гэтым што Ізраіль не зьбіраецца акупаваць Газу.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG