Пра гэта піша сёньня расейская газэта “Коммерсант”. Яна спасылаецца на свае крыніцы ў Міністэрстве замежных спраў Расеі. Выданьне лічыць, што Лукашэнку вымушаюць зьвяртацца за новым крэдытам няўдалыя перамовы зь Міжнародным валютным фондам. У МВФ Беларусь просіць два мільярды даляраў.
Сёлета расейскі ўрад вырашыў даць крэдыт Беларусі ў два мільярды даляраў. Палову гэтай сумы ў лістападзе ўжо перавялі ў Менск, другую палову паабяцалі перавесьці да канца лютага 2009 году.
Акрамя таго днямі Аляксандар Лукашэнка папрасіў фінансавай дапамогі і ў ЗША – 5 мільярдаў даляраў. Пра гэта ён паведаміў 18 сьнжня ў часе інтэрвію кіраўнікам беларускіх мэдыяў.
