Усеагульная дэклярацыя правоў чалавека сталася фундамэнтам міжнароднага права ў галіне абароны супраць парушэньняў асноўных чалавечых каштоўнасьцяў, супраць дыскрымінацыі, катаваньняў, незаконных арыштаў.
60 гадоў таму ў Парыжы Генэральная асамблея ААН ухваліла гэты дакумэнт. “За прагаласавала 48 дзяржаваў, “супраць” – ніводная, устрымаліся – 8 (Беларуская ССР, Паўднёва-Афрыканскі Саюз, Польшча, Савудаўская Арабія, СССР, Украінская ССР, Чэхаславаччына і Югаславія).
Патрэба ў такім дакумэнце ўзьнікла пасьля асэнсаваньня жудасных падзеяў другой сусьветнай вайны і яе наступстваў. Дакумэнт быў падтрыманы былой першай лэдзі ЗША Элеанор Рузвэльт, якая была дэлегатам у ААН.
Галасаваньне ў ААН па праекце Дэклярацыі аб правах чалавека.
