Вярхоўны суд Беларусі сёньня ня вынес вэрдыкту па скарзе заснавальнікаў грамадзкага аб’яднаньня “Гарызанталь” да міністэрства юстыцыі. Спачатку прадстаўнік Генэральнай пракуратуры на працэсе папрасіў зрабіць перапынак для вывучэньня новых дакумэнтаў. А потым судзьдзяЖукоўская, якая вядзе гэту справу, вырашыла выслухаць шэраг сьведак.
“Гарызанталь” аб’ядноўвае левыя сілы, апазыцыйныя да дзейнай беларускай улады. Яе старшыня Сяргей Калякін пераконваў суд: “Міністэрства юстыцыі адмаўляе „Гарызанталі“ ў рэгістрацыі толькі на падставе ўласных меркаваньняў, а не рэальных фактаў”.
Кансультант міністэрства юстыцыі Аляксандар Харытон бараніў сваё бачаньне сытуацыі: арганізатары ўстаноўчага сходу нарабілі памылак.
У выніку суду давялося разьбіраць шэраг канкрэтных сытуацыяў. Для прыкладу, такую. Удзельнік устаноўчага сходу, асьпірант Рэспубліканскага інстытуту вышэйшай школы Аляксей Елісееў запісаў свой адрас: Менск, Маскоўская, 15. Спадар Харытон зрабіў праверку. І высьветліў, што малады чалавек жыве ў інтэрнаце. Прадстаўнік міністэрства лічыць: Елісееў павінен быў у рэгістрацыйным сьпісе напісаць яшчэ і нумар свайго пакоя. Аляксей паказаў у судзе пашпарт са штампам аб прапісцы. На ім значыцца толькі нумар дому, а нумару пакоя няма.
Сяргей КалякінКамэнтуючы сёньняшняе паседжаньне, Сяргей Калякін падкрэсьліў: “Міністэрства юстыцыі невыпадкова чапляецца за падобныя дробныя рэчы”.
“Я перакананы, што існуе загад міністэрству не рэгістраваць новыя палітычныя партыі і грамадзкія арганізацыі дэмакратычнага кірунку. Таму тыя дадзеныя, якія сёньня выкладаў на працэсе прадстаўнік гэтага міністэрства, па-першае, не адпавядаюць рэчаіснасьці. А па-другое, зьдзіўляе пазыцыя міністэрства: яно павінна дапамагаць грамадзянам рэалізаваць іх канстытуцыйнае права. А яно дзейнічае наадварот. І ў выніку замест прававой дзяржавы мы маем бюракратычную”.
Сяргей Калякін кажа, што такой абсурднай сытуацыі ён ужо даўно ня бачыў. Таму яму вельмі цікава:
“Ці зноў суд заплюшчыць вочы і будзе прымаць тое рашэньне, якое яму загадаюць, ці ўсё ж ён будзе кіравацца заканадаўствам, здаровым сэнсам наагул?”
Наступнае паседжаньне суду адбудзецца ў аўторак, 9 сьнежня а 14-й гадзіне.
“Гарызанталь” аб’ядноўвае левыя сілы, апазыцыйныя да дзейнай беларускай улады. Яе старшыня Сяргей Калякін пераконваў суд: “Міністэрства юстыцыі адмаўляе „Гарызанталі“ ў рэгістрацыі толькі на падставе ўласных меркаваньняў, а не рэальных фактаў”.
Кансультант міністэрства юстыцыі Аляксандар Харытон бараніў сваё бачаньне сытуацыі: арганізатары ўстаноўчага сходу нарабілі памылак.
У выніку суду давялося разьбіраць шэраг канкрэтных сытуацыяў. Для прыкладу, такую. Удзельнік устаноўчага сходу, асьпірант Рэспубліканскага інстытуту вышэйшай школы Аляксей Елісееў запісаў свой адрас: Менск, Маскоўская, 15. Спадар Харытон зрабіў праверку. І высьветліў, што малады чалавек жыве ў інтэрнаце. Прадстаўнік міністэрства лічыць: Елісееў павінен быў у рэгістрацыйным сьпісе напісаць яшчэ і нумар свайго пакоя. Аляксей паказаў у судзе пашпарт са штампам аб прапісцы. На ім значыцца толькі нумар дому, а нумару пакоя няма.
Я перакананы, што існуе загад міністэрству не рэгістраваць новыя палітычныя партыі і грамадзкія арганізацыі дэмакратычнага кірунку.
“Я перакананы, што існуе загад міністэрству не рэгістраваць новыя палітычныя партыі і грамадзкія арганізацыі дэмакратычнага кірунку. Таму тыя дадзеныя, якія сёньня выкладаў на працэсе прадстаўнік гэтага міністэрства, па-першае, не адпавядаюць рэчаіснасьці. А па-другое, зьдзіўляе пазыцыя міністэрства: яно павінна дапамагаць грамадзянам рэалізаваць іх канстытуцыйнае права. А яно дзейнічае наадварот. І ў выніку замест прававой дзяржавы мы маем бюракратычную”.
Сяргей Калякін кажа, што такой абсурднай сытуацыі ён ужо даўно ня бачыў. Таму яму вельмі цікава:
“Ці зноў суд заплюшчыць вочы і будзе прымаць тое рашэньне, якое яму загадаюць, ці ўсё ж ён будзе кіравацца заканадаўствам, здаровым сэнсам наагул?”
Наступнае паседжаньне суду адбудзецца ў аўторак, 9 сьнежня а 14-й гадзіне.
