Лінкі ўнівэрсальнага доступу

Удзельнікі акцыі салідарнасьці правялі вечар у пастарунку


Супрацоўнікі міліцыі Маскоўскага раёну Менску вечарам 28 кастрычніка затрымалі чатырох удзельнікаў акцыі салідарнасьці з арыштаваным актывістам кампаніі “Эўрапейская Беларусь” Аляксандрам Баразенкам.


Паплечнікаў Аляксандра: Максіма Вінярскага, Паліну Дзьякаву, Міхася Кандрашова і актывіста незарэгістраванай арганізацыі “Маладая Беларусь” Уладзімера Сяргеева даставілі ў міліцыю й каля паловы на дзясятую адпусьцілі без складаньня пратаколу.

Удзельнікі акцыі сталі каля сьцяны сьледчага ізалятара на вуліцы Валадарскага з запаленымі сьвечкамі ў руках. Адзін з затрыманых, Уладзімер Сяргееў, сам праходзіў па “справе 14-ці” і быў пакараны штрафам у тры з паловай мільёны рублёў. Яго, як і іншых удзельнікаў працэсу, абвінавацілі ў арганізацыі масавых беспарадкаў падчас акцый прадпрымальнікаў 10 і 21 студзеня.

Падсумаваньне тыдня на Свабодзе – у адным суботнім лісьце! Усе эксклюзіўныя і важныя публікацыі за тыдзень – у нашай эмэйл-рассылцы: так вы ніколі не прапусьціце самае цікавае!

Дык падпісвайцеся!

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG