Ваенкамат Савецкага раёну Менску накіраваў туды моладзевага актывіста Партыі БНФ, нягледзячы на тое, што Франак летам прайшоў раённую мэдычную камісію, якая дала яму даведку аб непрыдатнасьці да службы ў войску.
Тады пасьля апэрацыі на вачах мэдыкі сказалі Франаку, што ён мае адтэрміноўку як мінімум на паўгоду. Франак Вячорка паведаміў Радыё Свабода, што чыноўнікі ваенкамату завялі яго ў кабінэт і дагэтуль яго там трымаюць, і нічога яму не патлумачылі.
Мэдыкі паставілі пад сумнеў вынікі папярэдняга медычнага дасьледаваньня і запатрабавалі, каб Франак Вячорка прынёс новыя рэнтгенаўскія здымкі.
