Як паведаміў “Свабодзе” студэнт гістарычнага факультэту Алег Лёгкі, рэктар Міраслаў Часноўскі загадвае, каб калектыў ВНУ прагаласаваў датэрмінова.
“Да нас на вучэбную пару прыйшоў намесьнік дэкана і загадаў: “Падыміце рукі, хто жыве ў інтэрнатах”. Пасьля гэтага ён зьвярнуўся да студэнтаў: “Калі ласка, прашу вас сёньня ці заўтра пайсьці на свой выбарчы ўчастак і прагаласаваць”? – расказвае Алег Лёгкі.
Намесьнік дэкана паведаміў, што такая ўстаноўка зыходзіць ад рэктара, — кажа Алег Лёгкі, — маўляў, рэктар патрабуе датэрміновага галасаваньня ад нас, таму я патрабую гэтага ад вас.
“Мы ня хочам, каб у нашага факультэту былі праблемы. Таму прагаласуйце ўсе”, — заявіў студэнтам намесьнік дэкана.
