Лінкі ўнівэрсальнага доступу

“Дажынкі” — сьвята выпіўкі на будаўнічым сьметніку <img src="/img/icon-photogallary.gif" border=0 />


Сёньня ў Воршы адкрыўся рэспубліканскі фэстываль-кірмаш “Дажынкі-2008”. У горадзе адбываюцца масавыя гуляньні з продажам сьпіртовых напояў на вуліцы, а заўтра чакаюць Аляксандра Лукашэнку.


Сьвяткаваньне будзе працягвацца два дні, а таму імпрэза падзялілася на два этапы: сёньня ў горадзе адбываюцца масавыя гуляньні з продажам сьпіртовых напояў на вуліцы, а заўтра чакаюць Аляксандра Лукашэнку.

У горад зьехаліся госьці фэстывалю: на галоўнай канцэртнай пляцоўцы ў гарадзкім парку ўжо ўшанавалі работнікаў сельскай гаспадаркі, якія занялі другое і трэцяе месцы ў сельскагаспадарчым спаборніцтве.

Напярэдадні з Воршы вывезьлі ўсіх студэнтаў — у іхных інтэрнатах разьмясьцілі прыежджых. Навучэнцы ад пачатку навучальнага году працавалі на добраўпарадкаваньні гораду, а цяпер паехалі на вёску — капаць бульбу. Школьнікаў таксама вызвалілі ад заняткаў — яны мусілі вітаць працаўнікоў сельскай гаспадаркі з надзіманымі балёнікамі. Навучальны дзень для іх перанесены на 11 кастрычніка.

Галоўная канцэртная пляцоўка “Дажынак”: пускаюць ня ўсіх

Гараджане і госьці шпацыруюць па падноўленым горадзе. Сёлета на рэканструкцыю 629 аб’ектаў у “сталіцы “Дажынак” была выдаткавана рэкордная сума — 327 мільярдаў рублёў. Для параўнаньня: кошт леташняй падрыхтоўкі да “Дажынак” у Бабруйску склаў 200 мільярдаў, а раней у Рэчыцы — 176 мільярдаў.

Рамонтныя працы на ўскраінах ня скончаныя. Двор СШ № 4

Паводле падлікаў аршанскага праваабаронцы Алега Граблеўскага, на кожнага з 124 тысяч аршанцаў, такім чынам, прыйшлося па 1 200 даляраў бюджэтных грошай.

“І гэта ня лічачы грошай, спагнаных зь дзяржаўных прадпрыемстваў і прадпрымальнікаў. Людзі гэтым незадаволеныя. А яшчэ яны скардзяцца, што парадак і лоск навялі толькі ў цэнтры, а па-за цэнтральнымі вуліцамі яны жывуць цяпер, як на будаўнічым сьметніку. Шмат працы недароблена, ня ўсе грошы асвоеныя, у дварах ляжыць нескарыстаная тратуарная плітка, яшчэ ўдзень дафарбоўвалі сьцены і платы. Затое па ўсіх цэнтральных вуліцах паўсюль прадаецца гарэлка, піва, забароненыя толькі пладова-ягадныя віны. Улады робяць выгляд, што забясьпечылі ў горадзе бясьпеку: увайсьці ў цэнтар можна толькі праз мэталашукальнікі, і каля іх утвараюцца вялікія чэргі. Па горадзе ходзяць чуткі , што заўтра, падчас прыезду Лукашэнкі, ва ўсіх адключаць мабільнікі, а за людзьмі будуць сачыць снайпэры, бо нават праз газэту загадалі “ўстрымацца ад вывешваньня бялізны, асабліва сподняй”, — распавёў Алег Граблеўскі.

Аршанцы весяляцца

Праз “Аршанскую газэту” і мясцовае тэлебачаньне паведамілі, што заўтра ў крамах абмяжуюць продаж сьпіртовых напояў. Таму сёньня яшчэ да абеду ўсе вулічныя пункты грамадзкага харчаваньня былі запоўненыя аршанцамі, а на вуліцы вялікая колькасьць людзей нападпітку.

“Пункты харчаваньня” выконваюць плян па алькагольных напоях

Менш за ўсё народу было ў гарадзкім дзіцячым парку. які павінен быў стацца ці ня самым значным аб’ектам, адчыненым пад сёлетнія “Дажынкі”. На яго было выдаткавана 17 мільярдаў рублёў.

Ваша меркаваньне

Паказаць камэнтары

XS
SM
MD
LG