Лінкі ўнівэрсальнага доступу

Ці будзе гарантаваная бясьпека на сьвяце гораду?


На выходных у Менску адбудзецца сьвята гораду, у якім, як заўсёды, возьмуць удзел сотні тысячаў людзей.


Ці могуць улады гарантаваць бясьпеку падчас масавых мерапрыемстваў? Ці ня варта зьменшыць маштаб сьвяткаваньня, улічваючы тое, што падчас падчас адзначэньня Дня Незалежнасьці 3 ліпеня адбыўся выбух?

На гэтыя пытаньні адказвае генэрал міліцыі ў адстаўцы Мечыслаў Грыб.

Цыганкоў: “Зараз, калі рыхтуюцца і Дажынкі і Дзень гораду, на што варта зьвярнуць асаблівую ўвагу? Можна нагадаць, што выбух, сьледзтва па якім усё яшчэ працягвацца, адбыўся менавіта падчас масавага сьвята, у ноч з 3 да 4 ліпеня”.

Грыб: “Асноўную ўвагу трэба надаць пытаньню бясьпекі людзей. Гэта зьвязана з тым, што злачынства, якое было ўчыненая 3-4 ліпеня, дагэтуль не раскрытае. А гэта азначае, што людзі, якое яго ўчынілі, знаходзяцца на волі. Мы ня ведаем – можа, яны таксама рыхтуюцца да сьвята? Таму трэба прымаць самыя сур’ёзныя захады за забесьпячэньню аховы парадку

Мерапрыемстваў будзе шмат, і яны праводзяцца ў такіх месцах (паркі, сквэры), дзе цяжка пракантраляваць кожнага гледача, удзельнікі. Там няма дзьвярэй, сьценаў – усё адчынена. Я чуў, што будуць неяк агароджваць пераноснымі турнікетамі, усталёўваць вышукальныя прыстасаваньні, і прапускаць людзей праз гэтыя “вышукальнікі” – каб ніхто нічога не пранёс. Але ці магчыма гэта практычна зьдзейсьніць ва ўсіх месцах – я ня ведаю”.

Цыганкоў: “З улікам таго, што вы сказалі – ці ня варта было б разгледзець пытаньне аб нейкім меншым маштабе сьвята гораду – больш сьціплым і бясьпечным?”

Грыб: “Я думаю, гэта не такая простая рэч, як здаецца на першым погляд. Калі аб’явіць сьвята і скараціць месцы яго правядзеньня – дык на гэтае адно месца можа прыйсьці значна больш людзей. Ня ўсё тут залежыць ад улады. Тут жа білетаў няма, запрашэньняў няма – хто пажадае, можа прыйсьці. Нават у адным месцы можа ўтварыцца натоўп, ня кажучы ўжо пра некалькі. Нават не ўяўляю, калі б мне давялося гэта рабіць, -- як можна правесьці гэтае мерапрыемства ў “меншых памерах”

Цыганкоў: “А ці не варта было ўвогуле адмяніць сьвята?”

Грыб: “Не сьвяткаваць з-за таго, што “можа нешта здарыцца” – на гэта ўлада ніколі ня пойдзе. Улада падкрэсьлівае, што яна моцная і можа забясьпечыць ахову і парадак. Прызнаць, што яна ня можа гэта зрабіць – на гэта яна ня пойдзе”

  • 16x9 Image

    Віталь Цыганкоў

    Віталь Цыганкоў скончыў факультэт журналістыкі БДУ. Адзін з двух заснавальнікаў першага недзяржаўнага агенцтва навінаў БелаПАН. Працаваў ў газэтах «Звязда», быў карэспандэнтам у Беларусі расейскай «Независимой газеты», Associated Рress, аглядальнікам у газэце «Свабода». На беларускай Свабодзе ад 1994 году. Карэспандэнт расейскай Свабоды ў Беларусі.
     

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG