Ініцыятарам паказу выступіў “Офіс за дэмакратычную Беларусь”.
Як заявіў гледачам пасьля паказу фільму рэжысэр Сэбастыян Хайнцэль, у яго “не было мэты зьняць палітычны фільм”. З дапамогай кінамовы ён хацеў “перадаць асабістае ўражаньне ад сустрэчаў з маладымі беларусамі”.
Паводле рэжысэра, цяпер бы ён здымаў карціну зусім інакш, паколькі апошнім часам ён значна болей даведаўся пра гэту “цудоўную краіну”. Ён таксама дадаў, што калі б на яго месцы быў беларус, дык фільм таксама атрымаўся б зусім іншым.
Героі фільму - палітычны ўцякач, сябра моладзевага супраціву, танцорка, журналістка, муляр, які толькі што вызваліўся з вязьніцы, жаўнер-патрыёт. Кожны зь іх распавядае пра ўласнае жыцьцё і асабістае адчуваньне свабоды. Назва фільму “89 мілімэтраў” паходзіць ад розьніцы ў шырыні чыгуначнай каляіны паміж краінамі Заходняй Эўропы і Беларусьсю (тут яна, як і ў іншых дзяржавах былога СССР, амаль на 9 сантымэтраў шырэйшая).
Брусэльскія гледачы адзначылі выдатнае апэратарскае майстэрства ды арыгінальнасьць рэжысэрскай манэры.
Рэзюмэ фільма (на нямецкай мове)
