Лінкі ўнівэрсальнага доступу

Іранцы не атрымаюць С-300 празь Беларусь


Прадстаўнікі Міністэрства абароны ЗША абверглі заяву ізраільскіх вайскоўцаў адносна паставак у Іран празь Беларусь расейскіх комплексаў С-300.


Пра гэта перадае агенцтва Reuters.

Напярэдадні гэтую інфармацыю распаўсюдзілі выданьне Jerusalem Post, а таксама брытанскі вайсковы часопіс Janes Air-Launched Weapons.

Паведамлялася, што расейскія сыстэмы С-300 здольныя перашкодзіць нанясеньню авіяўдару па іранскіх ядзерных аб’ектах і што “адпаведная ўгода паміж Тэгеранам і Масквой была ажыцьцёўленая пры пасярэдніцтве Менску”. Заходнія журналісты назвалі Беларусь “самым праўдападобным шляхам” у пастаўках, “нават калі Расея адмаўляе факт угоды”.

Як заявіў у размове з "Reuters" прэсавы сакратар Пэнтагону Джэф Морэл, “ЗША, зыходзячы з уласнага разуменьня сытуацыі, цьвёрда вераць у тое, што іранцы не атрымаюць расейскіх сыстэм сёлета”.

Адказны чыноўнік Міністэрства абароны ЗША, аднак, адмовіўся патлумачыць, на чым грунтуецца такое перакананьне Пэнтагону.

Глядзець камэнтары (1)

Гэтая дыскусія закрытая.
XS
SM
MD
LG