На прэсавай канфэрэнцыі сябры Рады моладзі БНФ заявілі, што цягам апошніх двух месяцаў узмацніўся ціск на моладзевых актывістаў арганізацыі. Апроч таго, што рабіліся неаднаразовыя спробы вэрбоўкі і ціску на актывістаў з боку КДБ і міліцыі, хлопцаў выклікалі ў ваенкаматы і прымусова забіралі ў войска.
Старшыня моладзевай арганізацыі Алесь Каліта цягам тыдня паедзе служыць у вайсковую частку супрацьпаветранай абароны ў Фаніпаль. Іван лічыць, што яго прызналі прыдатным да службы ў войску на загад зьверху.
“Першае абсьледаваньне пацьвердзіла ў мяне анэўрызматычнае выпячваньне міжпрадсардэчнай перагародкі — 16 мілімэтраў. Мяне прызналі непрыдатным да службы ў войску, і тры месяцы мяне не чапалі. Потым да мяне ў Менск прыехалі супрацоўнікі міліцыі і КДБ і пад відэакамэрай уручылі позву ў ваенкамат і накіравалі на дадатковае абсьледаваньне.
У выніку ўсіх дадатковых абсьледаваньняў мой хранічны гастрыт кудысьці зьнік і стаўся проста гастрытам. А мая анэўрызма таксама паменела з 16 мілімэтраў да 5. Цікава, куды зьніклі 11 мілімэтраў?”
Алесь Каліта зьвярнуўся ў суд і пракуратуру са скаргай на дзеяньні вайскоўцаў:
“Мэта — нэўтралізацыя найбольш актыўных актывістаў такімі сродкамі, як служба ў войску, а таксама такім сродкам, як прыцягненьне ў якасьці падазраваных у справе выбуху 4 ліпеня. Гэта таксама накладае пэўныя абмежаваньні на дзейнасьць і на перамяшчэньні”.
У войска забралі таксама Зьмітра Бяляева, Хведара Чаранкова і Юрася Дзешука.
На час службы ў войску Іван Каліта перадаў свае паўнамоцтвы Ільлю Богдану. Тым часам Ільля адседзеў 10 сутак за кратамі ізалятара часовага ўтрыманьня як падазроны ў справе выбуху на сьвяточным канцэрце 4 ліпеня.
Гаворыць Франак Вячорка:
“Улады ўзялі курс на паралізаваньне моладзевых дэмакратычных арганізацый. Сёньня ў моладзі БНФ праблемная сытуацыя: старшыня арганізацыі заўтра накіроўваецца на тэрміновую вайсковую службу ў Фаніпаль на паўтара года, а намесьнік старшыні застаецца падазраваным у справе выбуху 4 ліпеня.
Служба ў войску нашых сяброў паслужыць добрым прыкладам для іншых моладзевых актывістаў, якія будуць прызваныя, для беларусізацыі нашага войска, для стварэньня ў арміі беларускіх асяродкаў”.
У сваёй заяве моладзевыя актывісты папярэджваюць, што будуць зьвяртацца ў міжнародныя праваабарончыя структуры з просьбай даць ацэнку актам палітычных рэпрэсій супраць беларускай моладзі і зрабіць у зьвязку зь імі неадкладныя дыпляматычныя захады.
Старшыня моладзевай арганізацыі Алесь Каліта цягам тыдня паедзе служыць у вайсковую частку супрацьпаветранай абароны ў Фаніпаль. Іван лічыць, што яго прызналі прыдатным да службы ў войску на загад зьверху.
Першае абсьледаваньне пацьвердзіла ў мяне анэўрызматычнае выпячваньне міжпрадсардэчнай перагародкі — 16 мілімэтраў. Мяне прызналі непрыдатным да службы ў войску...
У выніку ўсіх дадатковых абсьледаваньняў мой хранічны гастрыт кудысьці зьнік і стаўся проста гастрытам. А мая анэўрызма таксама паменела з 16 мілімэтраў да 5. Цікава, куды зьніклі 11 мілімэтраў?”
Алесь Каліта зьвярнуўся ў суд і пракуратуру са скаргай на дзеяньні вайскоўцаў:
“Мэта — нэўтралізацыя найбольш актыўных актывістаў такімі сродкамі, як служба ў войску, а таксама такім сродкам, як прыцягненьне ў якасьці падазраваных у справе выбуху 4 ліпеня. Гэта таксама накладае пэўныя абмежаваньні на дзейнасьць і на перамяшчэньні”.
У войска забралі таксама Зьмітра Бяляева, Хведара Чаранкова і Юрася Дзешука.
На час службы ў войску Іван Каліта перадаў свае паўнамоцтвы Ільлю Богдану. Тым часам Ільля адседзеў 10 сутак за кратамі ізалятара часовага ўтрыманьня як падазроны ў справе выбуху на сьвяточным канцэрце 4 ліпеня.
Гаворыць Франак Вячорка:
“Улады ўзялі курс на паралізаваньне моладзевых дэмакратычных арганізацый. Сёньня ў моладзі БНФ праблемная сытуацыя: старшыня арганізацыі заўтра накіроўваецца на тэрміновую вайсковую службу ў Фаніпаль на паўтара года, а намесьнік старшыні застаецца падазраваным у справе выбуху 4 ліпеня.
Служба ў войску нашых сяброў паслужыць добрым прыкладам для іншых моладзевых актывістаў, якія будуць прызваныя, для беларусізацыі нашага войска, для стварэньня ў арміі беларускіх асяродкаў”.
У сваёй заяве моладзевыя актывісты папярэджваюць, што будуць зьвяртацца ў міжнародныя праваабарончыя структуры з просьбай даць ацэнку актам палітычных рэпрэсій супраць беларускай моладзі і зрабіць у зьвязку зь імі неадкладныя дыпляматычныя захады.
