Згодна зь імі на выбарах перамагла кіроўная Мангольская народная дэмакратычная партыя. У сталіцы Манголіі захоўваецца рэжым надзвычайнага становішча.
Цягам многіх гадоў Манголію прадстаўлялі як пасьпяховы прыклад посткамуністычнага пераходу – як спакойны востраў дэмакратыі паміж Кітаем і Расеяй.
Аднак Улан-Батар быў зусім неспакойны ўчора ўвечары, калі на галоўнай плошчы сталіцы адбыліся хваляваньні, і ўдзельнікі пратэстаў падпалілі штаб-кватэру кіроўнай Мангольскай народнай дэмакратычнай партыі. Акрамя гэтага пратэстоўцы падпалілі цэнтральны палац культуры, у Нацыянальнай галерэі мастацтваў зьнішчаныя некаторыя карціны. Паступалі паведамленьні пра рабаваньні банкаў і марадэрства.
Найбольш важнае пытаньне, якое мелі вырашыць парлямэнцкія выбары – як распарадзіцца правамі на нядаўна выяўленыя карысныя выкапні – у тым ліку медзь, золата і вугаль. Апазыцыйная Дэмакратычная партыя ў сваёй перадвыбарчай праграме заявіла, што прыватныя кампаніі павінны мець больш правоў у здабыцьці выкапняў. А кіроўная партыя заявіла, што хоча захаваць дзяржаўны кантроль у гэтай сфэры.
Паводле афіцыйных вынікаў, на выбарах перамагла кіроўная Мангольская народная дэмакратычная партыя. Як паведаміла выбарчая камісія, партыя, якая была пры ўладзе і ў савецкія часы, атрымала ў Вялікім Хурале 45 з 76 дэпутацкіх мандатаў. У Дэмакратычнай партыі Манголіі 25 месцаў. Апазыцыя абвінаваціла ўлады ў фальсыфікацыі вынікаў выбараў, што вылілася ў хвалю гвалту на вуліцах Улан-Батару.
Вось меркаваньне аднаго з удзельнікаў акцый пратэсту, 40-гадовага выбарніка:
“Паглядзіце на гэтых людзей, паглядзіце на тое, што адбываецца вакол. Мы ніколі яшчэ ня бачылі такіх выбараў. Фальсыфікацыі сёлета перавысілі ўсе магчымыя межы”.
Улады арыштавалі 20 чалавек і абвясьцілі надзвычайнае становішча на чатыры дні.Цягам гэтага пэрыяду ва Ўлан-Батары забароненыя сходы людзей, адключана вяшчаньне ўсіх тэлеканалаў, акрамя Мангольскага нацыянальнага тэлебачаньня. Пры неабходнасьці паліцыя можа ўжыць сілу, каб спыніць марадэраў, папярэдзіў міністар юстыцыі.
Сёньня на вуліцах Улан-Батару спакойна. Прэзыдэнт Манголіі Намбарын Энхбаяр прызнаў, што на выбарах былі дапушчаныя парушэньні, і зьвярнуўся да грамадзянаў з заклікам захоўваць спакой. Улады таксама заклікала апазыцыю стрымліваць сваіх прыхільнікаў. Начная камэнданцкая гадзіна застаецца ў сіле.
Цягам многіх гадоў Манголію прадстаўлялі як пасьпяховы прыклад посткамуністычнага пераходу – як спакойны востраў дэмакратыі паміж Кітаем і Расеяй.
Аднак Улан-Батар быў зусім неспакойны ўчора ўвечары, калі на галоўнай плошчы сталіцы адбыліся хваляваньні, і ўдзельнікі пратэстаў падпалілі штаб-кватэру кіроўнай Мангольскай народнай дэмакратычнай партыі. Акрамя гэтага пратэстоўцы падпалілі цэнтральны палац культуры, у Нацыянальнай галерэі мастацтваў зьнішчаныя некаторыя карціны. Паступалі паведамленьні пра рабаваньні банкаў і марадэрства.
Найбольш важнае пытаньне, якое мелі вырашыць парлямэнцкія выбары – як распарадзіцца правамі на нядаўна выяўленыя карысныя выкапні – у тым ліку медзь, золата і вугаль. Апазыцыйная Дэмакратычная партыя ў сваёй перадвыбарчай праграме заявіла, што прыватныя кампаніі павінны мець больш правоў у здабыцьці выкапняў. А кіроўная партыя заявіла, што хоча захаваць дзяржаўны кантроль у гэтай сфэры.
Фальсыфікацыі сёлета перавысілі ўсе магчымыя межы...
Паводле афіцыйных вынікаў, на выбарах перамагла кіроўная Мангольская народная дэмакратычная партыя. Як паведаміла выбарчая камісія, партыя, якая была пры ўладзе і ў савецкія часы, атрымала ў Вялікім Хурале 45 з 76 дэпутацкіх мандатаў. У Дэмакратычнай партыі Манголіі 25 месцаў. Апазыцыя абвінаваціла ўлады ў фальсыфікацыі вынікаў выбараў, што вылілася ў хвалю гвалту на вуліцах Улан-Батару.
Вось меркаваньне аднаго з удзельнікаў акцый пратэсту, 40-гадовага выбарніка:
“Паглядзіце на гэтых людзей, паглядзіце на тое, што адбываецца вакол. Мы ніколі яшчэ ня бачылі такіх выбараў. Фальсыфікацыі сёлета перавысілі ўсе магчымыя межы”.
Улады арыштавалі 20 чалавек і абвясьцілі надзвычайнае становішча на чатыры дні.Цягам гэтага пэрыяду ва Ўлан-Батары забароненыя сходы людзей, адключана вяшчаньне ўсіх тэлеканалаў, акрамя Мангольскага нацыянальнага тэлебачаньня. Пры неабходнасьці паліцыя можа ўжыць сілу, каб спыніць марадэраў, папярэдзіў міністар юстыцыі.
Сёньня на вуліцах Улан-Батару спакойна. Прэзыдэнт Манголіі Намбарын Энхбаяр прызнаў, што на выбарах былі дапушчаныя парушэньні, і зьвярнуўся да грамадзянаў з заклікам захоўваць спакой. Улады таксама заклікала апазыцыю стрымліваць сваіх прыхільнікаў. Начная камэнданцкая гадзіна застаецца ў сіле.
