Лінкі ўнівэрсальнага доступу

“У гісторыі Беларусі роля жанчын большая, чым дзе”


Чарговы грамадзкі рэдактар тыдня Ўладзімер Арлоў прапанаваў журналістам Свабоды падрыхтаваць перадачу на тэму “Беларуская жанчына: гісторыя, сучаснасьць, будучыня”. Яна прагучыць у пятніцу.

Арлоў: “Пабываўшы ў некалькіх дзясятках краінаў, я пераканаўся: беларускі – самыя прыгожыя й чароўныя.
Але сёньня нашым жанчынам нялёгка. Яны жывуць у несвабоднай краіне. Дзе за свае перакананьні можна ня толькі пазбавіцца працы, а нават апынуцца ў няволі.
І ўсё ж нашыя сяброўкі ведаюць, што ў іх ёсьць свая краіна, будучыня якой найперш залежыць ад іх саміх.
Нашыя жанчыны таленавіта сьцьвярджаюць сябе ў творчасьці і навуцы, у палітыцы і ў спорце.
Яны таленавіта кахаюць нас і таленавіта выхоўваюць нашых дзяцей. Яны натхняюць нас на самыя лепшыя справы і ўчынкі.
Асаблівыя словы падзякі й падтрымкі я хачу сказаць сёньня мацяркам, жонкам, каханым зьніклых беларускіх палітыкаў і сёньняшніх палітвязьняў.
“Чаго хоча жанчына, таго хоча Бог”, – кажа прыказка.
Беларускія жанчыны хочуць, каб іхнія дзеці жылі ў вольнай, дэмакратычнай, заможнай і шчасьлівай краіне”.
Чарговы грамадзкі рэдактар тыдня Ўладзімер Арлоў закончыў гістфак БДУ, працаваў настаўнікам, журналістам, рэдактарам выдавецтва “Мастацкая літаратура». Аўтар больш як трыццаці кнігаў прозы, эсэістыкі й паэзіі.
"Таямніцы полацкай гісторыі" і "Дзесяць вякоў беларускай гісторыі" (у суаўтарстве з Генадзем Сагановічам) увайшлі ў сьпіс 100 найбольш папулярных беларускіх кніг ХХ стагодзьдзя, складзены на падставе чытацкіх лістоў газэтай "Наша Ніва".
Днямі яму ўручылі прэмію імя Васіля Быкава «За свабоду думкі».
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG