Па выніках праверкі вынесла папярэджаньне расейскай фірме «Август-Бел» папярэджаньне аб недапушчальнасьці парушэньня заканадаўства пры праектаваньні і пабудове заводу па вытворчасьці сродкаў абароны расьлінаў.
Пракуратура ўстанавіла, што «Август-Бел» ня выканаў шэраг патрабаваньняў інструкцыі ад ацэнцы ўзьдзеяньня на навакольнае асяродзьдзе гаспадарчай дзейнасьці. Гэтая інструкцыя выданая міністэрствам аховы здароўя Беларусі.
Генэральная пракуратура вынесла папярэджаньне выканаўцу абавязкаў дырэктара «Август-Бел» аб недапушчальнасьці парушэньня закону і запатрабавала забясьпечыць грамадзкасьці доступ на ўсіх этапах праектнай дзейнасьці да матэрыялаў, якія тычацца ацэнак ўзьдзеяньня плянаванай хімічнай вытворчасьці на навакольнае асяродзьдзе.
Пляны пабудовы каля Дружнага заводу па вытворчасьці пэстыцыдаў выклікалі рэзка адмоўную рэакцыю жыхароў навакольных паселішчаў. Супраць пабудовы заводу было сабрана 6 тысяч подпісаў жыхароў Дружнага, Сьвіслачы, Рудненску, Дукораў. Яны зьвярталіся ў пракуратуру, Канстытуцыйны суд і ўрад краіны. Кіраўнік ініцыятыўнай групы пратэсту Сяргей Абразоўскі быў за правядзеньне мітынгаў супраць пабудовы заводу асуджаны да буйных штрафаў.
