“Больш за месяц таму мы накіравалі на імя старшыні Палаты прадстаўнікоў Вадзіма Папова нашы прапановы па зьмяненьню Выбарчага кодэксу. І вось нарэшце прыйшоў адказ за подпісам намесьніка старшыні камісіі ў пытаньнях дзяржаўнага будаўніцтва, мясцовага самакіраваньня і рэглямэнту Івана Семянені. Сутнасьць адказу – Палата ня будзе гэтым займацца”, - паведаміў палітык.
Днём раней Цэнтарвыбаркам Беларусі таксама фактычна адмовіў апазыцыйным палітыкам у іх прапановах па зьмяненьню практыкі выкарыстаньня выбарчага заканадаўства.
“Гэтыя адказы ў той ці іншай ступені – лякмусавая папера. У абодвух выпадках мы атрымалі адзін і той жа адказ, які ўкладаецца ў фармат аднаго слова – “не”. Для нас вельмі важна было атрымаць гэтыя адказы менавіта цяпер, каб скарэктаваць стратэгію і тактыку выбарчай кампаніі”, - заявіў Анатоль Лябедзька.
