Гэтага патрабуе загад рэктара. Загад выдадзены нібыта дзеля забесьпячэньня правоў і інтарэсаў грамадзян.
Загадам забароненыя несанкцыянаваныя ўзаеміны выкладчыкаў ды студэнтаў з прадстаўнікамі замежных арганізацыяў падчас зацьверджаных кіраўніцтвам ўнівэрсытэту адукацыйных праектаў. Акрамя таго, падчас наведваньня ўнівэрсытэту замежнымі дэлегацыямі, згодна з загадам, за іх прадстаўнікамі мае быць замацаваны супрацоўнік адміністрацыі.
Таксама загадам забароненая рэалізацыя любых адукацыйных праектаў ва ўнівэрсытэце без папярэдняй згоды яго кіраўніцтва.
Адказным за выкананьне загаду прызначаны намесьнік рэктара ў міжнародных сувязях Дзьмітры Рачыкаў. Спадар Рачыкаў адмовіўся адказаць на пытаньні карэспандэнта “Свабоды” адносна выдадзенага загаду.
Студэнты ж у прыватных гутарках паведамілі карэспандэнту “Свабоды”, што па азнаямленьні з загадам іх змушаюць расьпісвацца пад ім. Паводле студэнтаў падпісваюцца пад загадам і выкладчыкі.
Студэнты кажуць, што падобныя загады выдадзены ўва ўсіх унівэрсытэтах Магілёва.
