Лінкі ўнівэрсальнага доступу

У Бабруйску затрыманыя актывісты з выставай пра “Плошчу Каліноўскага”


Асіповіцкага актывіста Арцёма Дубскага і яго сябра, прозьвішча якога не вядомае, міліцыянты затрымалі блізу бабруйскага вакзалу.


Паводле апазыцыйнага актывіста Алеся Чыгіря, хлопцы везьлі ў Менск выставу пра падзеі вясны 2006 году на Кастрычніцкай плошчы сталіцы Беларусі. На пляншэтах фармату А0 разьмешчаныя фотаздымкі ўдзельнікаў палатачнага гарадка.

Некалькі тыдняў выстава дэманстравалася ў прыватным грамадзкім цэнтры, у якім заўчора міліцыянты правялі ператрус.

Алесь Чыгір кажа, што хлопцаў затрымалі міліцыянт Андрэй Малахаў і старшы прапаршчык Радзько і яны нібыта ўтрымліваюцца ў гарадзкім аддзеле міліцыі Бабруйску. Тэлефон Арцёма Дубскага не адказвае.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG