Расклад праграмаў

Паўтор інфармацыйных блёкаў папярэдняга вечара (18.03-18.30, 19.03-19.30)

* Пасьля таго, як беларускі касьцёл узначаліў Тадэвуш Кандрусевіч, заўважна пашырыліся кантакты з грамадзкасьцю, вернікамі, уладамі. * Наўпроставы эфір зь Міхалам Карневічам з чыгуначнага вакзалу ў Горадні, адкуль адпраўляецца першы пасажырскі цягнік у цяпер ужо “шэнгенскую” Польшчу. Што новага ў сувязі са знакавымі пераменамі ў жыцьці заходніх суседзяў? * Перадкалядны рэпартаж з Камароўкі: ці псуюць сьвяточны настрой “новыя” цэны на прадукты? * Бліц-аналіз * Заключнае інтэрвію з грамадзкім рэдактарам тыдня Аленай Макоўскай

Сёньня госьцяй нашага начнога эфіру будзе грамадзкая рэдактарка тыдня, старшыня рады Згуртаваньня беларусаў сьвету “Бацькаўшчына” Алена Макоўская. У “Начных досьледах” мы пагаворым пра забарону піратэхнікі. У нашым апытаньні гарадзенцы скажуць, як, на іх думку, трэба рэгуляваць выкарыстаньне піратэхнікі.  Таксама ў нашым эфіры сёньня – рэпартаж пра калядны кірмаш, арганізаваны сябрамі незарэгістраванай арганізацыі “Малады фронт”, і падарожжа ў суправаджэньні сьпевака Віктара Скарабагатава па рэканструяванай частцы тэатру опэры і балету.  У перадачы “Гукапіс” Аляксандар Памідораў завершыць аповед пра менскі гурт “Зьніч”, а ў “Начной чытанцы” прагучыць яшчэ адна нізка вершаў магілёўскага паэта Віталя Рыжкова.