Як у Расеі сустракалі Кім Чэн Ына. ФОТА
Вітальная цырымонія на вакзале Ўладзівастока. Ганаровая варта
Да гэтага цягнік спыніўся на станцыі Хасан ля мяжы з Паўночнай Карэяй. Вось як выглядае цягнік зблізку. Вонкава не заўважна, што ён браніраваны
Ва Ўладзівастоку тым часам вайскоўцы рыхтавалі чырвоны дыван
Усё ж дыванік, а не дыван
Браніраваны лімузін быў прывезены загадзя
Горад упрыгожаны сьцягамі Расеі і КНДР. Саміт 25 красавіка - першая сустрэча Пуціна і Кім Чэн Ына
А так выглядае цягнік з маста ва Ўладзівастоку
Па дадзеных паўночнакарэйскага боку, гэты апэратар паўночнакарэйскага тэлебачаньня заняў пазыцыю на даху недалёка ад чыгуначнага вакзала
На вакзале ў Кім Чэн Ына быў задаволены твар. Аднак, мяркуючы па ягоным атачэньні, толькі ён адзін і быў задаволены
Ахова паўночнакарэйскага лідэра добра бегае трушком
Аб парадку дня сустрэчы з Пуціным Кім Чэн Ын сказаў журналістам наступнае: «Спадзяюся, што мы зможам абмеркаваць канкрэтныя пытаньні мірных перамоваў на Карэйскім паўвостраве і двухбаковыя адносіны»