Актывісты моладзевай незарэгістраванай арганізацыі “Ініцыятыва” правялі сёньня ў цэнтры Менску акцыю салідарнасьці з палітвязьнямі.
Маладзёны сабралі каля паўтары тысячы лістоў палітвязьням, у якіх ёсьць віншаваньне з калядамі. Яны ўрачыста адаслалі лісты ў менскім Галоўпаштамце. Адначасова больш за 150 лістоў накіраваны ў беларускія турмы з Масквы, Бабруйску і Полацку.