Аляксей Дзікавіцкі, Варшава Ад пачатку гэтага месяца польскія памежнікі пачалі ўзмоцнены кантроль за наяўнасьцю грашовых сродкаў на знаходжаньне ў Польшчы ў беларусаў, якія перасякаюць польска-беларускую мяжу. Пакуль, аднак, выпадкі, калі беларусаў з-за гэтага не ўпускалі ў Польшчу – адзінкавыя.
Паводле загаду польскага міністэрства ўнутраных справаў і адміністрацыі, кожны беларус, які хоча наведаць Польшчу павінен мець 100 злотых, гэта прыкладана 30 даляраў ЗША на кожны дзень знаходжаньня ў Польшчы, а таксама 300 злотых – ці каля 90 даляраў на выпадак неабходнасьці лячэньня ў польскім шпіталі.
Беларусы, якія маюць аформленае належным чынам запрашэньне ад фізычнай альбо юрыдычнай асобы з Польшчы, а таксама мэдычную страхоўку, могуць паданых вышэй сумаў пры сабе ня мець.
Польскія памежнікі, аднак, кажуць, што ўзмацненьне кантролю на мяжы не выклікала праблемаў – амаль усе беларусы альбо маюць адпаведную колькасьць валюты, альбо неабходныя запрашэньні і страхоўкі.
(Дзяжурны афіцэр: ) “Я скажу вам так, што на дадзены момант праблемаў асаблівых няма – мы, шчыра кажучы, разьлічвалі, што будзе горш. Але ў парадку. У часе маіх зьменаў за апошнія пяць дзён з гэтай прычыны хіба нікога не адправілі назад, хаця мы кантралюем наяўнасьць папераў і грошай – гэта наша праца”, – заявіла нашаму радыё дзяжурны афіцэр на адным з памежных пераходаў.
Між тым у памежным горадзе Бяла Падляска, куды традыцыйна прыяжджаюць беларусы зь Берасьцейшчыны, каб прадаць свой тавар і набыць у асноўным больш танныя і якасныя польскія харчы, кажуць, што апошнім часам беларусаў на кірмашы увогуле амаль няма.
Але прычына ня ў тым, што трэба мець пры сабе дадатковыя грошы, але яшчэ ў ранейшай забароне на ўвоз у Беларусь больш чым 5 кіляграмаў польскіх прадуктаў харчаваньня.
(Прадавачка на кірмашы: ) “Можа таму ня езьдзяць, што прададуць тут сваю гарэлку, а ня могуць нічога купіць, каб назад да сябе прывезьці. Зусім няма беларусаў. Шкада, бо раней лепш гандлявалася”, – сказала беларускай свабодзе гандлярка на Бяла-Падляшскім кірмашы.
У панядзелак раніцай там не было не было ніводнага беларуса. Мясцовыя гандляры кажуць, што яшчэ на пачатку гэтага году ўявіць гэта было немагчыма.
Беларусы, якія маюць аформленае належным чынам запрашэньне ад фізычнай альбо юрыдычнай асобы з Польшчы, а таксама мэдычную страхоўку, могуць паданых вышэй сумаў пры сабе ня мець.
Польскія памежнікі, аднак, кажуць, што ўзмацненьне кантролю на мяжы не выклікала праблемаў – амаль усе беларусы альбо маюць адпаведную колькасьць валюты, альбо неабходныя запрашэньні і страхоўкі.
(Дзяжурны афіцэр: ) “Я скажу вам так, што на дадзены момант праблемаў асаблівых няма – мы, шчыра кажучы, разьлічвалі, што будзе горш. Але ў парадку. У часе маіх зьменаў за апошнія пяць дзён з гэтай прычыны хіба нікога не адправілі назад, хаця мы кантралюем наяўнасьць папераў і грошай – гэта наша праца”, – заявіла нашаму радыё дзяжурны афіцэр на адным з памежных пераходаў.
Між тым у памежным горадзе Бяла Падляска, куды традыцыйна прыяжджаюць беларусы зь Берасьцейшчыны, каб прадаць свой тавар і набыць у асноўным больш танныя і якасныя польскія харчы, кажуць, што апошнім часам беларусаў на кірмашы увогуле амаль няма.
Але прычына ня ў тым, што трэба мець пры сабе дадатковыя грошы, але яшчэ ў ранейшай забароне на ўвоз у Беларусь больш чым 5 кіляграмаў польскіх прадуктаў харчаваньня.
(Прадавачка на кірмашы: ) “Можа таму ня езьдзяць, што прададуць тут сваю гарэлку, а ня могуць нічога купіць, каб назад да сябе прывезьці. Зусім няма беларусаў. Шкада, бо раней лепш гандлявалася”, – сказала беларускай свабодзе гандлярка на Бяла-Падляшскім кірмашы.
У панядзелак раніцай там не было не было ніводнага беларуса. Мясцовыя гандляры кажуць, што яшчэ на пачатку гэтага году ўявіць гэта было немагчыма.