БАГДАД. Сёньня памёр Ізат Ібрагім ад-Дуры (Izzat Ibrahim al-Duri), былы памочнік Садама Хусэйна. Пра гэта паведаміла на сваім сайце выгнаная з Іраку партыя Садама Хусэйна Баас. Ад-Дуры лічаць адным з арганізатараў нападаў у Іраку. ЗША раней прапаноўвалі 10 млн. даляраў узнагароды тым, хто падасьць зьвесткі аб знаходжаньні ад-Дуры. Пакуль ніякія іншыя крыніцы не пацьвердзілі інфармацыі пра гэтую сьмерць.
