Сьвятлана Курс, Прага У Баку пачаліся вулічныя пратэсты супраць вынікаў выбараў, якія апазыцыя лічыць сфальшаванымі. Некалькі апазыцыйных партыяў і блёкаў патрабуюць ануляваць афіцыйныя вынікі нядзельных парлямэнцкіх выбараў, паводле якіх кіроўная партыя “Ені Азэрбайджан” заваявала больш за 60 месцаў у 125-асабовым парлямэнце. На вуліцы выйшлі некалькі тысячаў чалавек, зь месца падзеяў паведамляе карэспандэнт RFE/RL Робэрт Парсанс.
Некалькі тысячаў прыхільнікаў апазыцыі ў сталіцы Азэрбайджану ладзяць вулічныя акцыі, каб дамагчыся перагляду вынікаў парлямэнцкіх выбараў, якія яны лічаць сфальшаванымі ў бальшыні акругаў.
Акцыі склікаў найбуйнейшы апазыцыйны блёк Azadliq (Свабода), аднак пазьней да іх вырашылі далучыцца меншыя партыі й кааліцыі Yeni Siyaset (Новая Палітыка) й Milli Birlik (Нацыянальная Еднасьць), а таксама шэраг моладзевых арганізацыяў.
Марш пратэсту пачаўся з Пляцу Калаба ў цэнтры Баку. Карэспандэнт “Свабоды” Робэрт Парсанс перадае зь месца падзеяў, што на вуліцах Баку мноства паліцыі са спэцсродкамі, але пакуль вядома толькі пра адзін інцыдэнт паміж паліцыянтамі й дэманстрантамі. Апрача перагляду вынікаў выбараў, шмат хто патрабуе адстаўкі ўраду і прэзыдэнта Ільхама Аліева.
Перадае Робэрт Парсанс:
(Парсанс: ) "Акцыя сапраўды шматлюдная. Усе кажуць, што з апошніх акцыяў тут, у Азэрбайджане, гэта самая вялікая. Натоўп дэманстрантаў працягнуўся ад пляцу Калаба, дзе прамаўляюць выступоўцы, на адлегласьць даўжынёю ў кілямэтар, і навокал вуліцы запоўненыя. Дэманстранты настроеныя досыць рашуча, магчыма таму, што людзей сапраўды шмат. Я думаю, менавіта гэта надае ім веры”.
Цэнтарвыбаркам сьцьвярджае, што паводле папярэдніх вынікаў выбараў, кіроўная партыя Yeni Azerbaycan (Новы Азэрбайджан) атрымае бальшыню галасоў у парлямэнце на 125 месцаў (Milli Meclis), найбуйнейшы апазыцыйны блёк Azadliq атрымае толькі 6 месцаў, астатнія месцы зоймуць незалежныя кандыдаты.
У аўтаномнай Нахічэванскай вобласьці Yeni Azerbaycan атрымаў 37 з 45 месцаў у рэгіянальным парлямэнце. Астатнія 8 месцаў падзялілі незалежныя кандыдаты й прадстаўнікі апазыцыі. Лідэры Azadliq патрабуюць, каб вынікі выбараў былі ануляваныя ў 80 % выбарчых акругаў.
Парлямэнцкая асамблея Рады Эўропы й АБСЭ скрытыкавалі выбары, заявіўшы, што яны не адпавядаюць міжнародным стандартам. Амэрыканскі ўрад заявіў, што паведамленьні аб масавых фальшаваньнях маюць быць расьсьледаваныя.
Цэнтарвыбаркам Азэрбайджану ануляваў вынікі выбараў у дзьвюх акругах, аднак выбарчыя чыноўнікі адпрэчваюць наяўнасьць масавых фальшаваньняў. Апазыцыя заявіла, што працягне публічныя акцыі, пакуль не даможацца ануляваньня вынікаў выбараў.
Акцыі склікаў найбуйнейшы апазыцыйны блёк Azadliq (Свабода), аднак пазьней да іх вырашылі далучыцца меншыя партыі й кааліцыі Yeni Siyaset (Новая Палітыка) й Milli Birlik (Нацыянальная Еднасьць), а таксама шэраг моладзевых арганізацыяў.
Марш пратэсту пачаўся з Пляцу Калаба ў цэнтры Баку. Карэспандэнт “Свабоды” Робэрт Парсанс перадае зь месца падзеяў, што на вуліцах Баку мноства паліцыі са спэцсродкамі, але пакуль вядома толькі пра адзін інцыдэнт паміж паліцыянтамі й дэманстрантамі. Апрача перагляду вынікаў выбараў, шмат хто патрабуе адстаўкі ўраду і прэзыдэнта Ільхама Аліева.
Перадае Робэрт Парсанс:
(Парсанс: ) "Акцыя сапраўды шматлюдная. Усе кажуць, што з апошніх акцыяў тут, у Азэрбайджане, гэта самая вялікая. Натоўп дэманстрантаў працягнуўся ад пляцу Калаба, дзе прамаўляюць выступоўцы, на адлегласьць даўжынёю ў кілямэтар, і навокал вуліцы запоўненыя. Дэманстранты настроеныя досыць рашуча, магчыма таму, што людзей сапраўды шмат. Я думаю, менавіта гэта надае ім веры”.
Цэнтарвыбаркам сьцьвярджае, што паводле папярэдніх вынікаў выбараў, кіроўная партыя Yeni Azerbaycan (Новы Азэрбайджан) атрымае бальшыню галасоў у парлямэнце на 125 месцаў (Milli Meclis), найбуйнейшы апазыцыйны блёк Azadliq атрымае толькі 6 месцаў, астатнія месцы зоймуць незалежныя кандыдаты.
У аўтаномнай Нахічэванскай вобласьці Yeni Azerbaycan атрымаў 37 з 45 месцаў у рэгіянальным парлямэнце. Астатнія 8 месцаў падзялілі незалежныя кандыдаты й прадстаўнікі апазыцыі. Лідэры Azadliq патрабуюць, каб вынікі выбараў былі ануляваныя ў 80 % выбарчых акругаў.
Парлямэнцкая асамблея Рады Эўропы й АБСЭ скрытыкавалі выбары, заявіўшы, што яны не адпавядаюць міжнародным стандартам. Амэрыканскі ўрад заявіў, што паведамленьні аб масавых фальшаваньнях маюць быць расьсьледаваныя.
Цэнтарвыбаркам Азэрбайджану ануляваў вынікі выбараў у дзьвюх акругах, аднак выбарчыя чыноўнікі адпрэчваюць наяўнасьць масавых фальшаваньняў. Апазыцыя заявіла, што працягне публічныя акцыі, пакуль не даможацца ануляваньня вынікаў выбараў.