Сяргей Астраўцоў, Горадня 13 кастрычніка кіраўнік офісу АБСЭ ў Менску Окэ Пэтэрсан сустрэўся ў Горадні з былым палітвязьнем Аляксандрам Васільевым і сынам палітвязьня Валерыя Леванеўскага Ўладзімірам.
Размова была, у прыватнасьці, аб знаходжаньні ў калёніі кіраўніка страйкаму прадпрымальнікаў Валерыя Леванеўскага. 7 верасьня 2004 г. яго зь ягоным намесьнікам А.Васільевым пасадзілі на два гады за “публічную абразу прэзыдэнта Лукашэнкі”. А.Васільева выпусьцілі па амністыі, а В.Леванеўскі па-ранейшаму знаходзіцца ў калёніі “Воўчыя норы”.